India

2021 സെൻസസിൽ ഒബിസി വിഭാഗക്കാരുടെ വിവരങ്ങൾ പ്രത്യേകം ശേഖരിക്കും

ന്യൂഡൽഹി : 2021 ലെ സെൻസസിൽ ഒബിസി വിഭാഗക്കാരുടെ വിവരങ്ങൾ പ്രത്യേകം ശേഖരിക്കും. ന്യൂതന സാങ്കേതികവിദ്യ ഉപയോഗിച്ച് മൂന്ന് വർഷത്തിനകം സെൻസസ് നടപടികൾ പൂർത്തിയാക്കുമെന്ന് കേന്ദ്ര ആഭ്യന്തര മന്ത്രാലയം. സാധാരണയായി എട്ടു വർഷം വരെയാണ് സെൻസസ് പൂർത്തിയാക്കാൻ വേണ്ടിവന്നിരുന്നത്.

2021 ലെ സെൻസസിൽ ഒബിസി വിഭാഗക്കാരുടെ വിവരങ്ങൾ പ്രത്യേകം ശേഖരിക്കുമെന്ന് കേന്ദ്ര ആഭ്യന്തര മന്ത്രാലയം. ആദ്യമായാണ് ഒബിസി വിഭാഗക്കാരുടെ വിവരങ്ങൾ പ്രത്യേകമായി ശേഖരിക്കുന്നത്. സെൻസസിനുള്ള തയ്യാറെടുപ്പുകൾ ആരംഭിച്ചതായും മൂന്നുവർഷത്തിനുള്ളിൽ പൂർത്തിയാക്കുമെന്നും ആഭ്യന്തര മന്ത്രാലയ വക്താവ് പറഞ്ഞു.
ന്യൂതന സാങ്കേതികവിദ്യ പരമാവധി പ്രയോജനപ്പെടുത്തിയാകും സെൻസസ് നടപടി പൂർത്തിയാക്കുകയെന്നും മന്ത്രാലയം വ്യക്തമാക്കി.

കണക്കെടുപ്പിനായി 25 ലക്ഷത്തോളം പേർക്ക് വിപുലമായ പരിശീലനം നൽകും. കണക്കുകളിൽ കൃത്യത ഉറപ്പാക്കും. നിർമ്മാണത്തിലിരിക്കുന്ന വീടുകളടക്കമുള്ളവയുടെ വിവരങ്ങളും ശേഖരിക്കും. മാപ്പുകളും ജിയോ റഫറൻസിങ്ങും ഉപയോഗിക്കുന്നത് പരിഗണനയിലാണെന്നും ആഭ്യന്തര മന്ത്രാലയം അറിയിച്ചു.

351 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close