India

കായികതാരമായ കായികമന്ത്രി ചട്ടങ്ങള്‍ തിരുത്തി സഹായിച്ചു; രാജ്യാന്തര മത്സരത്തില്‍ പങ്കെടുക്കാന്‍ ഖൊ-ഖൊ ടീം പറന്നു

ന്യൂഡല്‍ഹി: കായികതാരം കൂടിയായ കായികമന്ത്രിയുടെ സഹായത്തോടെ തടസ്സങ്ങളെ നിഷ്പ്രഭമാക്കി ആദ്യ രാജ്യാന്തര മത്സരത്തില്‍ പങ്കെടുക്കാന്‍ ദേശീയ ഖൊ-ഖൊ ടീം ഇംഗ്ലണ്ടിലേക്ക്. സെപ്തംബര്‍ ഒന്നിന് ആരംഭിച്ച രാജ്യാന്തര മത്സരത്തില്‍ പങ്കെടുക്കാനായി നിലവിലെ കീഴ്‌വഴക്കങ്ങളെ മറികടന്നാണ് സ്‌പോര്‍ട്‌സ് മന്ത്രാലയം ടീമിന് സാമ്പത്തിക സഹായം നല്‍കിയത്.

സാമ്പത്തികസഹായം അനുവദിക്കാന്‍ കഴിയാത്ത കായിക വിഭാഗങ്ങളുടെ പട്ടികയിലാണ് ഖൊ ഖൊ. ‘മറ്റുള്ളവ’ എന്ന വിഭാഗത്തിലാണ് ഈ മത്സരത്തെ പെടുത്തിയിരിക്കുന്നത്. ഈ വിഭാഗത്തില്‍ വരുന്നവക്ക് അന്താരാഷ്ട്ര മത്സരങ്ങളില്‍ പങ്കെടുക്കാന്‍ കായിക മന്ത്രാലയത്തില്‍ നിന്ന് സാമ്പത്തിക സഹായം അനുവദിക്കാറില്ല. അങ്ങനെയുള്ള സാഹചര്യത്തിലാണ് ഇതാദ്യമായി ചട്ടങ്ങളെ മറികടന്ന് കൊണ്ട് രാജ്യാന്തര മത്സരത്തില്‍ പങ്കെടുക്കാന്‍ ടീമിന് സാമ്പത്തിക സഹായമുള്‍പ്പെടെ നല്‍കിയതെന്ന് കായികമന്ത്രി രാജ്യവര്‍ധന്‍ സിംഗ് റാത്തോഡ് പറഞ്ഞു.

പരമ്പരാഗതമായ ഇന്ത്യന്‍ കളികള്‍ക്കും കളിക്കാര്‍ക്കും പ്രചോദനം നല്‍കുന്നതാണ് ഈ തീരുമാനമെന്ന് ഖൊ-ഖൊ ഫെഡറേഷന്‍ ഓഫ് ഇന്ത്യ പ്രതികരിച്ചു. ഭാവിയിലും ഖൊ-ഖൊ എന്ന കളിയെ മുഖ്യധാരയിലേക്ക് കൊണ്ടുവരാന്‍ ഈ തീരുമാനത്തിലൂടെ സാധിക്കുമെന്നും അവര്‍ പറഞ്ഞു.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close