India

ഇത് യോഗി താലി; വില പത്ത് രൂപ

അലഹബാദ്: പാവപ്പെട്ട ജനങ്ങള്‍ക്ക് കുറഞ്ഞ ചെലവില്‍ മികച്ച ഭക്ഷണം നല്‍കാനൊരുങ്ങി ഒരു ഭക്ഷണശാല. ഉത്തര്‍പ്രദേശിലെ അലഹബാദില്‍ തുടങ്ങിയ ഈ ഭക്ഷണശാലയിലൂടെ ആളുകള്‍ക്ക് കുറഞ്ഞ വിലക്ക് രുചികരമായ ഭക്ഷണം കഴിക്കാം. ഇവിടെ നിന്ന് കൊടുക്കുന്ന താലി മീല്‍സിന് വെറും പത്ത് രൂപയാണ് ഈടാക്കുന്നത്. ഈ ഭക്ഷണത്തിന് യോഗി താലി എന്നാണ് പേര് കൊടുത്തിരിക്കുന്നത്.

ദിലീപ് എന്ന വ്യക്തിയുടെ നേതൃത്വത്തില്‍ ആരംഭിച്ച ഒരു സ്വകാര്യ സംരംഭമാണിത്. ഞായറാഴ്ച വൈകിട്ട് അലഹബാദ് മേയര്‍ അഭിലാഷ ഗുപ്തയാണ് ഭക്ഷണശാല ഉദ്ഘാടനം ചെയ്തത്. ‘ഇത് ഒരു വ്യക്തി ജനങ്ങള്‍ക്ക് വേണ്ടി ചെയ്യുന്ന സേവനമാണ്. മുഖ്യമന്ത്രി യോഗി ആദിത്യനാഥിന്റെ പേരിലാകും ഈ സൗകര്യങ്ങള്‍ നല്‍കുന്നത്. ഇവിടെ നിന്ന് 10 രൂപക്ക് നല്‍കുന്ന താലി മീല്‍ പാവപ്പെട്ട ആളുകള്‍ക്ക് ഏറെ ഗുണം ചെയ്യും. വളരെ നല്ലൊരു ചിന്തയാണിതെന്നും’ അഭിലാഷ ഗുപ്ത പറഞ്ഞു.

ഭക്ഷണമില്ലാതെ ആരും ബുദ്ധിമുട്ടരുതെന്ന ചിന്തയാണ് ഇതിന് പിന്നിലെന്ന് ദിലീപ് പറഞ്ഞു. വിശന്ന വയറുമായി ആരും കഷ്ടപ്പെടരുത്. യോഗി ആദിത്യനാഥിന്റെ പേരാണ് ഈ സംരംഭത്തിന് നല്‍കിയിരിക്കുന്നത്. കാരണം അദ്ദേഹം ഇവിടുത്തെ ജനങ്ങള്‍ക്ക് വേണ്ടിയാണ് പ്രവര്‍ത്തിക്കുന്നത്. അദ്ദേഹത്തിന്റെ ഓരോ പ്രവൃത്തിയും അഭിനന്ദനീയമാണ്. ഉടനെ തന്നെ അലഹബാദിന് സമീപം അട്ടര്‍സൂയ്യയിലും ഒരു ഔട്ട്‌ലറ്റ് തുടങ്ങുമെന്നും അദ്ദേഹം പറഞ്ഞു.

4K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close