India

മോദി ഭരണത്തിൽ ഇന്ത്യയുടെ സാമ്പത്തിക വളർച്ച കുതിക്കുന്നു ; സിഐഐ സർവ്വെ റിപ്പോർട്ട്

ന്യൂഡൽഹി ; മോദി സർക്കാരിനു കീഴിൽ ഇന്ത്യയുടെ സാമ്പത്തിക രംഗം കുതിക്കുന്നതായി സിഐഐ സർവ്വെ റിപ്പോർട്ട്.വളർച്ചാ നിരക്കും,ജോലി സാധ്യതയും,വിദേശ നിക്ഷേപവും മറ്റ് കാലയളവിനെ അപേക്ഷിച്ച് വർദ്ധിച്ചതായും സർവ്വെ റിപ്പോർട്ടിൽ പറയുന്നു.

വിവിധ കമ്പനികളിൽ നിന്നുള്ള 71 സി ഇ ഒ മാരെ പങ്കെടുപ്പിച്ചായിരുന്നു സർവ്വെ. പങ്കെടുത്തവരിൽ ഭൂരിഭാഗം പേരും നടപ്പ് സാമ്പത്തിക വർഷത്തിൽ ഇന്ത്യ 7.25 ശതമാനം സാമ്പത്തിക വളർച്ച നേടുമെന്നാണ് അഭിപ്രായപ്പെട്ടത്.തൊഴിൽ സാധ്യത 56.3 ശതമാനമായി വർദ്ധിക്കുമെന്നും സർവ്വെയിൽ പറയുന്നു.

വിദേശ നിക്ഷേപം വരും കാലയളവിൽ വർദ്ധിക്കുമെന്ന് 48.50 ശതമാനം പേരാണ് അഭിപ്രായപ്പെടുന്നത്.

2018-19 സാമ്പത്തിക വർഷത്തിന്റെ ആദ്യ പാദത്തിൽ ഇന്ത്യ കൈവരിച്ച സാമ്പത്തിക വളർച്ച 8.2 ശതമാനമാണെന്ന റിപ്പോർട്ടുകളും പുറത്തു വന്നിരുന്നു. കഴിഞ്ഞ എട്ടുപാദങ്ങളിലെ ഏറ്റവും മികച്ച വളർച്ച നിരക്കാണിത്.

കഴിഞ്ഞ പാദത്തിൽ ഇത് 7.7 ശതമാനമായിരുന്നു. അതേസമയം കഴിഞ്ഞ സാമ്പത്തിക വർഷത്തിലെ ആദ്യ പാദത്തിൽ 5.59 ശതമാനമായിരുന്നു വളർച്ച നിരക്ക്.ഉത്പാദന മേഖല 13.5 ശതമാനം വളർച്ച രേഖപ്പെടുത്തി . കഴിഞ്ഞ വർഷം ഇതേസമയത്ത് നെഗറ്റീവ് വളർച്ചയായിരുന്നു ഉത്പാദന മേഖലയിൽ രേഖപ്പെടുത്തിയത്.

3K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close