India

കുര സഹിക്കാൻ വയ്യ ,മദ്യപാനി നായയുടെ ചെവി കടിച്ചെടുത്തു

കൊൽക്കത്ത ; നായയുടെ കുര സഹിക്കാൻ കഴിയാതെ വന്ന യുവാവ് നായയുടെ ചെവി കടിച്ചുമുറിച്ചെടുത്തു. മദ്യലഹരിയിലാണ് യുവാവ് ഇത്തരമൊരു ‘പ്രതികാരം‘ നായയോട് ചെയ്തത്.

കൊൽക്കത്തയിലെ ഉത്തൻപാരയെന്ന സ്ഥലത്താണു കള്ളുകുടിച്ചു ബോധംപോയ ശംഭുനാഥ് ധാലിയെന്ന യുവാവ് നായയെ കടിച്ചത്. കെട്ടിടനിർമാണ തൊഴിലാളിയാണ് ധാലി.

മദ്യപിച്ച് കഴിഞ്ഞാൽ നാട്ടുകാരുമായി വഴക്കുണ്ടാക്കുന്നതും,ബഹളമുണ്ടാക്കുന്നതും ധാലിയ്ക്ക് പതിവാണ്.അതിനു ശേഷം ഉത്തൻപാരയിലെ തെരുവ് വീഥിയിൽ തന്നെ കിടന്നുറങ്ങും. ഇക്കഴിഞ്ഞ ഞായറാഴ്ച്ചയും മദ്യപിച്ചെത്തിയ ധാലി പതിവ് ബഹളങ്ങൾക്ക് ശേഷം ഉറങ്ങാൻ നടപ്പാതയിലേക്കെതിയപ്പോഴാണ് ഇരുട്ടിൽ നിന്നും നായ്ക്കൾ കുരച്ച് ചാടിയത്.

ദേഷ്യം വന്ന ധാലി കുരച്ചുകൊണ്ട് ചാടിയ നായയിൽ ഒരെണ്ണത്തിനെ കടന്നുപിടിച്ച് ചെവിയിൽ ആഞ്ഞുകടിച്ചു.നായയുടെ ചെവി മുറിയുന്നതുവരെ ഇയാൾ കടിവിട്ടില്ല. വേദനകൊണ്ട് നായ ഓരിയിട്ടതോടെ മറ്റുനായ്ക്കളും ധാലിയെ കടിയ്ക്കാനായെത്തി.ഇവയെ ധാലി ആട്ടിയോടിച്ചു.

ബഹളം കേട്ടെത്തിയ നാട്ടുകാരാണ് നായയെ അടിച്ചോടിച്ച ശേഷം ധാലിയെ പൊലീസിൽ ഏൽപ്പിച്ചത്.

103 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close
Close