കശ്മീര്: കശ്മീരിലെ സോപോറില് സുരക്ഷസേനയുമായുണ്ടായ ഏറ്റുമുട്ടലില് രണ്ട് ഭീകരരെ സൈന്യം വധിച്ചു. വ്യാഴാഴ്ച രാവിലെ സോപോറിലെ അരാംപോറയിലാണ് ഏറ്റുമുട്ടലുണ്ടായത്. പ്രദേശത്തെ ഒരു വീട്ടില് ഭീകരര് ഒളിച്ചിരിക്കുന്നുണ്ടെന്ന രഹസ്യവിവരത്തെ തുടര്ന്ന് നടത്തിയ തിരച്ചിലിലാണ് ഏറ്റുമുട്ടലുണ്ടായത്. കൂടുതല് ഭീകരര് മേഖലയിലുണ്ടോ എന്ന് തിരച്ചില് നടക്കുകയാണ്.
ഏറ്റുമുട്ടലിനെ തുടര്ന്ന് ബാരാമുള്ളയില് ഇന്റര്നെറ്റ് സേവനങ്ങള്ക്ക് വിലക്ക് ഏര്പ്പെടുത്തിയിട്ടുണ്ട്.