കോട്ടയം: ബിഷപ്പ് ഫ്രാങ്കോ മുളക്കല് പ്രതിയായ അനുബന്ധ കേസുകള് ക്രൈംബ്രാഞ്ചിന് വിട്ടു. രണ്ട് കേസുകളാണ് കോട്ടയം ജില്ലാ ക്രൈംബ്രാഞ്ചിന് കൈമാറിയിരിക്കുന്നത്.
കന്യാസ്ത്രീയുടെ ചിത്രം പ്രചരിപ്പിച്ച കേസും സാക്ഷികളെ സ്വാധീനിക്കാന് ശ്രമിച്ച കേസുമാണ് ക്രൈംബ്രാഞ്ചിന് വിട്ടത്. ക്രൈംബ്രാഞ്ച് ഡി.വൈ.എസ്.പി ഗിരീഷ് പി.സാരഥിയായിരിക്കും കേസ് അന്വേഷിക്കുന്നത്.
ബിഷപ്പിനെതിരായ പരാതി പിന്വലിക്കാന് കന്യാസ്ത്രീകളെ ഫോണില് വിളിച്ച് സ്വാധിനിക്കാന് ശ്രമിച്ചുവെന്ന പരാതിയില് വൈദികന് ജെയിംസ് എര്ത്തലിനെതിരെ എടുത്ത കേസും, മിഷണറീസ് ഓഫ് ജീസസ് നടത്തിയ അന്വേഷണ റിപ്പോര്ട്ടിനെ അടിസ്ഥാനമാക്കി മാധ്യമങ്ങള്ക്ക് നല്കിയ പത്രക്കുറിപ്പിനോടൊപ്പം പീഡനത്തിന് ഇരയായ കന്യാസ്ത്രീയുടെ ചിത്രം ഉള്പ്പെടുത്തിയ കേസുമാണ് ക്രൈംബ്രാഞ്ച് അന്വേഷിക്കുക. ചിത്രം പുറത്തുവിട്ടതിനെത്തുടര്ന്ന് കോണ്ഗ്രിഗേഷന് പി.ആര്.ഒ സിസ്റ്റര് അമലയ്ക്കെതിരേയും കേസെടുത്തിരുന്നു.