India

ഫൈസാബാദ് ഇനി അയോദ്ധ്യ: യോഗി ആദിത്യനാഥ്

ലക്‌നൗ: ഫൈസാബാദ് ജില്ലയുടെ പേര് അയോദ്ധ്യ എന്നാക്കി മാറ്റിയതായി മുഖ്യമന്ത്രി യോഗി ആദിത്യനാഥ്. ബാബരി മസ്ജിദ് നിലനിന്നിരുന്ന ഉത്തര്‍ പ്രദേശിലെ ഫൈസാബാദിന്റെ പേര് അയോദ്ധ്യ എന്നാക്കി മാറ്റണമെന്ന് നേരത്തെ വിശ്വഹിന്ദു പരിഷത്ത് ആവശ്യപ്പെട്ടിരുന്നു.

അയോദ്ധ്യയിലെ രാംകഥാ പാര്‍ക്കില്‍ നടന്ന ദീപാവലി ആഘോഷങ്ങള്‍ക്കിടെയായിരുന്നു മുഖ്യമന്ത്രിയുടെ പ്രഖ്യാപനം. അയോദ്ധ്യയില്‍ പുതിയ വിമാനത്താവളവും മെഡിക്കല്‍ കോളേജും നിര്‍മ്മിക്കുമെന്ന് മുഖ്യമന്ത്രി പറഞ്ഞു. അയോദ്ധ്യയില്‍ വിവിധ പദ്ധതികള്‍ നടപ്പാക്കുമെന്നും ജനങ്ങളുടെ താല്‍പ്പര്യങ്ങള്‍ക്ക് അനുസരിച്ചാകും മുന്നോട്ടു പോകുക എന്നും അദ്ദേഹം പറഞ്ഞു.

ദക്ഷിണ കൊറിയന്‍ പ്രസിഡന്റിന്റെ ഭാര്യ കിംഗ് ജൂംഗ് സൂക്ക് ആയിരുന്നു പരിപാടിയിലെ മുഖ്യാതിഥി. ഇരുവരും ചേര്‍ന്ന് ഹാഹ് രാജ്ഞിയുടെ പേരില്‍ സ്ഥാപിച്ച സ്മാരകം ഉദ്ഘാടനം ചെയ്തു.

ശ്രീരാമന്റെ പേരിലാണ് അയോദ്ധ്യ അറിയപ്പെടുന്നത്. അതിനാലാണ് അയോദ്ധ്യ ഉള്‍പ്പെടുന്ന ഫൈസാബാദ് ജില്ലയുടെ പേരു മാറ്റാന്‍ തീരുമാനിച്ചതെന്നും അദ്ദേഹം അറിയിച്ചു.

നേരത്തെ അലഹബാദ് നഗരത്തിന്റെ പേര് പ്രയാഗ് രാജ് എന്നാക്കി മാറ്റിയിരുന്നു.

11K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close