Kerala

നീ ആർ.എസ്.എസുകാരനാണോടാ ? ശബരിമലയ്ക്ക് നടന്നു പോവുകയായിരുന്ന വൃദ്ധനായ അയ്യപ്പ ഭക്തന് സിപിഎം നേതാവിന്റെ മർദ്ദനം

‌ആലപ്പുഴ :ശബരിമലയ്ക്ക് നടന്നു പോവുകയായിരുന്ന വൃദ്ധനായ അയ്യപ്പ ഭക്തന് സിപിഎം മർദ്ദനം. കായംകുളത്തിനു സമീപം കറ്റാനം എന്ന സ്ഥലത്തു വച്ച് സിപിഎം പ്രാദേശിക നേതാവിന്റെ നേതൃത്വത്തിലാണ് മർദ്ദിച്ചത്. വടി കുത്തി നടന്നു പോവുകയായിരുന്ന അയ്യപ്പ ഭക്തന്റെ വടി പിടിച്ചു വാങ്ങിയായിരുന്നു മർദ്ദനം. ഇത് ആർ.എസ്.എസിന്റെ വടിയാണോ എന്നും മർദ്ദിക്കുന്നയാൾ ചോദിക്കുന്നുണ്ട്.

നീയെന്തിനാ ശബരി മലയ്ക്ക് നടന്നു പോകുന്നത് ബസ്സിൽ പോയിക്കൂടേ എന്നും അക്രമിച്ചയാൾ ചോദിക്കുന്നുണ്ട്. നടന്നു പോയ അയ്യപ്പ ഭക്തൻ ഭിക്ഷയെടുത്തതാണ് ഇയാളെ പ്രകോപിപ്പിച്ചത്. കറ്റാനത്തെ സി.ഐ.ടി.യു നേതാവും സഹകരണബാങ്ക് ജീവനക്കാരനുമായ കെ .രാജുവാണ് ‌അയ്യപ്പ ഭക്തനെ മർദ്ദിച്ചത്.

അക്രമം കണ്ട് നാട്ടുകാരാണ് അയ്യപ്പ ഭക്തനെ രക്ഷിച്ചത്. ഇദ്ദേഹത്തെ അക്രമിക്കുന്നതും നാട്ടുകാർ ഇടപെടുന്നതുമായ വീഡിയോകൾ സാമൂഹ്യ മാദ്ധ്യമങ്ങളിൽ പ്രചരിക്കുന്നുണ്ട്. അയ്യപ്പ ഭക്തന്റെ കാര്യത്തിൽ രാഷ്ട്രീയത്തിന്റെ ആവശ്യമെന്തെന്ന് പ്രദേശ വാസി ചോദിക്കുന്നതും വീഡിയോയിലുണ്ട്. വൃദ്ധനായ ഇദ്ദേഹത്തെ അക്രമിക്കാൻ നിനക്കൊക്കെ നാണമുണ്ടോ എന്ന് ഒരു സ്തീ ചോദിക്കുന്നതും വീഡിയോയിൽ ഉണ്ട്.

നാട്ടുകാർ ഇടപെട്ട് അയ്യപ്പ ഭക്തനെ രക്ഷിക്കുകയായിരുന്നു. ഇദ്ദേഹം പരാതികളൊന്നുമില്ലാതെ ശബരിമലയിലേക്ക് നടന്നു പോയെന്നും പ്രദേശ വാസികൾ പറയുന്നു.

അക്രമിക്കെതിരെ ശക്തമായ പ്രതിഷേധമാണ് ‌ ഉയരുന്നത്.

21K Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close