Kerala

നടനും സംവിധായകനുമായ കരകുളം ചന്ദ്രന്‍ അന്തരിച്ചു

തിരുവനന്തപുരം: പ്രശസ്ത നാടക നടനും സംവിധായകനുമായ കരകുളം ചന്ദ്രന്‍ അന്തരിച്ചു. 68 വയസായിരുന്നു. ഇന്ന് പുലര്‍ച്ചെയായിരുന്നു അന്ത്യം.

അഭിനയത്തികവാല്‍ മാറ്റുരച്ച നാടക രംഗത്തുനിന്നും സീരിയല്‍,സിനിമ അഭിനയരംഗത്തും സംവിധാനരംഗത്തും തന്റേതായ വ്യക്തിമുദ്ര പതിപ്പിക്കാന്‍ അദ്ദേഹത്തിന് കഴിഞ്ഞു. 1970 മുതല്‍ 1981 വരെ കെപിഎസിയില്‍
പ്രവര്‍ത്തിച്ചു. ആറു പതിറ്റാണ്ടിനിടെ അന്‍പതോളം നാടകങ്ങള്‍ക്ക് വേഷപ്പകര്‍ച്ച നല്‍കി.

മികച്ച നാടക സംവിധായകനുള്ള കേരള സംഗീത നാടക അക്കാദമി അവാര്‍ഡും സമഗ്ര സംഭാവനയ്ക്കുള്ള രാമു കാര്യാട്ട് അവാര്‍ഡും എന്‍ പതിലേറെ അവാര്‍ഡുകളും ലഭിച്ചിട്ടുണ്ട്.

ബൈപ്പാസ് സര്‍ജറിക്കുശേഷം ദീര്‍ഘനാളായി വിശ്രമത്തിലായിരുന്നു.

ഭൗതികദേഹം കരകുളത്തെ വസതിയില്‍ പൊതുദര്‍ശനത്തിന് വെച്ചു. സംസ്‌കാരം നാളെ ശാന്തികവാടത്തില്‍.

420 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close