India

ബിജെപി ദേശീയ കൗണ്‍സില്‍ യോഗം ഇന്ന് ആരംഭിക്കും

ന്യൂഡല്‍ഹി: ലോക്സഭാ തെരഞ്ഞെടുപ്പിന്റെ അവസാനവട്ട മുന്നൊരുക്കങ്ങള്‍ ചര്‍ച്ച ചെയ്യാനായി ബിജെപി ദേശീയ കൗണ്‍സില്‍ യോഗം ഇന്ന് ഡല്‍ഹിയില്‍ ആരംഭിക്കും. രാജ്യത്തിന്റെ വിവിധ ഭാഗങ്ങളില്‍ നിന്നായി പന്ത്രണ്ടായിരത്തിലധികം പ്രതിനിധികള്‍ രണ്ടുദിവസം നീണ്ടുനില്‍ക്കുന്ന കൗണ്‍സിലില്‍ പങ്കെടുക്കും. രാംലീലാ മൈതാനിയില്‍ നടക്കുന്ന കൗണ്‍സില്‍ യോഗത്തില്‍ പ്രധാനമന്ത്രി നരേന്ദ്ര മോദിയും പാര്‍ട്ടി അധ്യക്ഷന്‍ അമിത് ഷായും പ്രതിനിധികളെ അഭിസംബോധന ചെയ്യും.

സാമ്പത്തികമായി പിന്നാക്കം നില്‍ക്കുന്ന മുന്നാക്ക വിഭാഗങ്ങള്‍ക്ക് പത്തുശതമാനം സംവരണം നല്‍കിക്കൊണ്ടുള്ള ചരിത്രപരമായ നിയമനിര്‍മ്മാണത്തിന്റെ പശ്ചാത്തലത്തില്‍ ചേരുന്ന ദേശീയ കൗണ്‍സില്‍ ഏറെ ശ്രദ്ധ നേടും. വൈകിട്ട് ചേരുന്ന ദേശീയ നിര്‍വാഹക സമിതിയോഗത്തില്‍ ദേശീയ അധ്യക്ഷന്‍ പ്രസംഗിക്കും. 12ന് രാവിലെ മുതല്‍ നടക്കുന്ന ദേശീയ കൗണ്‍സില്‍ യോഗത്തില്‍ പ്രധാനമന്ത്രി നരേന്ദ്രമോദി മുഴുവന്‍ സമയവും പങ്കെടുക്കും.

മിഷന്‍ 2019 നായി രാജ്യത്തെ എല്ലാ പാര്‍ട്ടി പ്രവര്‍ത്തകരെയും സജ്ജമാക്കുന്നതിനായാണ് കൗണ്‍സില്‍ ചേരുന്നതെന്ന് ബിജെപി ദേശീയ നേതൃത്വം അറിയിച്ചു. വിവിധ സംസ്ഥാനങ്ങളിലെ തെരഞ്ഞെടുപ്പ് സഖ്യം, ലോക്സഭാ മണ്ഡലങ്ങളിലെ പ്രവര്‍ത്തനങ്ങള്‍, തെരഞ്ഞെടുപ്പ് തന്ത്രം എന്നിവ കൗണ്‍സിലില്‍ ചര്‍ച്ചയാവും. പ്രതിപക്ഷ മഹാസഖ്യം സംബന്ധിച്ച വിലയിരുത്തലുകളും കൗണ്‍സിലിലുണ്ടാകും.

കേരളത്തില്‍ നിന്ന് ഇരുനൂറോളം നേതാക്കള്‍ കൗണ്‍സിലില്‍ പങ്കെടുക്കുന്നുണ്ടെന്ന് സംസ്ഥാന അധ്യക്ഷന്‍ പി.എസ്. ശ്രീധരന്‍ പിള്ള അറിയിച്ചു. ലോക്സഭാ മണ്ഡലങ്ങളുടെ ചുമതലക്കാരും പാര്‍ട്ടി ഭാരവാഹികളും കൗണ്‍സില്‍ യോഗത്തിനായി തലസ്ഥാന നഗരിയിലെത്തും.

726 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close