World

യുഎസ് പ്രസിഡന്റ് തിരഞ്ഞെടുപ്പ്: ട്രംപിനെതിരെ കോണ്‍ഗ്രസിലെ ഹിന്ദു അംഗം തുള്‍സി ഗബ്ബാര്‍ഡും

വാഷിങ്ടണ്‍: യുഎസ് പാര്‍ലമെന്റിലെ ഹിന്ദു വിശ്വാസിയായ അംഗം തുള്‍സി ഗബ്ബാര്‍ഡ് 2020 ല്‍ പ്രസിഡന്റ് തിരഞ്ഞെടുപ്പില്‍ മത്സരിക്കും. അമേരിക്കന്‍ കോണ്‍ഗ്രസിലെ ആദ്യ ഹിന്ദു സെനറ്ററാണ് തുള്‍സി ഗബ്ബാര്‍ഡ്.

തുള്‍സിയും ഇന്ത്യന്‍ വംശജയായ സെനറ്റര്‍ കമലാ ഹാരിയും ഉള്‍പ്പെടെ പന്ത്രണ്ടോളം ഡെമോക്രാറ്റിക് അംഗങ്ങളാണ് പ്രസിഡന്റ് സ്ഥാനാര്‍ത്ഥിയാവാന്‍ ഒരുങ്ങുന്നതെന്നാണ് റിപ്പോര്‍ട്ടുകള്‍. ഇവരിലൊരാളെയായിരിക്കും പാര്‍ട്ടി പ്രസിഡന്റ് സ്ഥാനാര്‍ത്ഥിയായി പ്രഖ്യാപിക്കുന്നത്. ഹവായില്‍ നിന്നുള്ള പ്രതിനിധിയായി അമേരിക്കന്‍ കോണ്‍ഗ്രസിലെത്തിയ തുള്‍സി പ്രസിഡന്റ് സ്ഥാനാര്‍ത്ഥിയാവാനുള്ള പ്രഖ്യാപനം ഉടന്‍ ഉണ്ടാകുമെന്ന് മാധ്യമപ്രവര്‍ത്തകരോട് വ്യക്തമാക്കി. യുഎസ് ജനപ്രതിനിധി സഭയില്‍ ഭഗവത് ഗീത ഉപയോഗിച്ച് ആദ്യമായി സത്യപ്രതിജ്ഞ ചെയ്തും വാര്‍ത്തകളില്‍ നിറഞ്ഞിരുന്നു.

പട്ടാളക്കാരിയായിരുന്ന 37 കാരിയായ തുള്‍സി പിന്നീട് രാഷ്ട്രീയത്തിലേയ്ക്ക് തിരിയുകയായിരുന്നു. തിരഞ്ഞെടുക്കപ്പെട്ടാല്‍ അമേരിക്കയുടെ ഏറ്റവും പ്രായം കുറഞ്ഞ പ്രസിഡന്റും ചരിത്രത്തിലെ ആദ്യ വനിതാ പ്രസിഡന്റുമാകും തുള്‍സി.

548 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Close