India

റിസോർട്ടിലെ തമ്മിൽ തല്ല് ; പരിക്കേറ്റ കോൺഗ്രസ് എം എൽ എ യുടെ ഭാര്യ നിയമനടപടികൾക്ക്

ബംഗളൂരു ; ഈഗിൾടൺ റിസോർട്ടിൽ വച്ച് തന്റെ ഭർത്താവിനെ ആക്രമിച്ച ജെ എൻ ഗണേഷ് എം എൽ എ യ്ക്കെതിരെ നിയമ നടപടികൾ സ്വീകരിക്കുമെന്ന് കർണാടകത്തിലെ കോൺഗ്രസ് എം എൽ എ യുടെ ഭാര്യ.

കുപ്പികൊണ്ടുള്ള അടിയേറ്റ് സ്വകാര്യ ആശുപത്രിയിൽ ചികിത്സയിൽ കഴിയുന്ന ആനന്ദ് സിംഗ് എം എൽ എ യുടെ ഭാര്യ ലക്ഷ്മി സിംഗാണ് ഇക്കാര്യം മാദ്ധ്യമങ്ങളോട് വ്യക്തമാക്കിയത്.ഗണേഷ് തന്റെ ഭർത്താവിനെ ആക്രമിച്ച വാർത്ത ശരിയാണെന്നും,താനും തന്റെ മക്കളും നിശബ്ദത പാലിക്കുമെന്ന് കരുതേണ്ടെന്നുമാണ് അവർ പറഞ്ഞത്.

കർണാടകത്തിലെ കോൺഗ്രസ് എം എൽ എ മാർ തമ്മിൽ കഴിഞ്ഞ ദിവസമാണ് അടിപിടി ഉണ്ടായത്.മാദ്ധ്യമങ്ങൾ ഈ വാർത്ത പുറത്തിവിട്ടെങ്കിലും കോൺഗ്രസ് ഇത് നിഷേധിച്ചിരുന്നു.എന്നാൽ ഇത് തള്ളിക്കളഞ്ഞാണ് പരിക്കേറ്റ എം എൽ എ യുടെ ഭാര്യ തന്നെ രംഗത്ത് വന്നിരിക്കുന്നത്.

കർണാടകയിലെ മന്ത്രി സഭാ പുനസംഘടനയിൽ അതൃപ്തരായ എം എൽ എ മാർ പാർട്ടി വിട്ടേക്കുമെന്ന ഭയത്താൽ പലരെയും കോൺഗ്രസ് റിസോർട്ടിൽ പാർപ്പിച്ചിരിക്കുകയാണ്.ദിവസങ്ങൾക്ക് മുൻപാണ് സ്വതന്ത്ര എം എൽ എ ആർ ശങ്കർ,എച്ച് നാഗേഷ് എന്നിവർ കുമാരസ്വാമി സർക്കാരിനുള്ള പിന്തുണ പിൻവലിച്ചത്.

സർക്കാരിന്റെ പ്രവർത്തനത്തിൽ തൃപ്തരല്ലെന്ന് രാജിവച്ച എം എൽ എ മാർ സൂചിപ്പിച്ചിരുന്നു.അതിനു പിന്നാലെയാണ് കോൺഗ്രസ് റിസോർട്ടിലേയ്ക്ക് മാറ്റി താമസിപ്പിച്ച എം എൽ എ മാർ തമ്മിലടിച്ചത്.

333 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close