World

ലോക സാമ്പത്തിക ഉച്ചകോടിക്ക് ഇന്ന് തുടക്കം

ദാവോസ്: 49ാമത് ലോക സാമ്പത്തിക ഉച്ചകോടിക്ക് ദാവോസില്‍ ഇന്ന് തുടക്കം. നാല് ദിവസം നീണ്ട് നില്‍ക്കുന്ന ഉച്ചകോടിയില്‍ അറുപത്തി അഞ്ചോളം രാഷ്ട്രത്തലവന്മാര്‍ ഉള്‍പ്പെടെ മൂവായിരത്തിലധികം പ്രതിനിധികള്‍ പങ്കെടുക്കും. കേന്ദ്ര വാണിജ്യ വ്യവസായ മന്ത്രി സുരേഷ് പ്രഭു ഇന്ത്യന്‍ സംഘത്തിന് നേതൃത്വം നല്‍കും. ലോക വ്യാപാര സംഘടനയ്ക്ക് വേണ്ടി പുതിയ നയരേഖ തയാറാക്കി വരികയാണെന്നും, ദാവോസില്‍ വിവിധ വാണിജ്യ മന്ത്രിമാരുമായി ഇത് സംബന്ധിച്ചുള്ള ചര്‍ച്ചകള്‍ നടത്തുമെന്നും അദ്ദേഹം ട്വിറ്ററില്‍ കുറിച്ചു.

മധ്യപ്രദേശ് മുഖ്യമന്ത്രി കമല്‍നാഥ്, ആന്ധ്രപ്രദേശ് മുഖ്യമന്ത്രി എന്‍.ചന്ദ്രബാബു നായിഡുവിന്റെ മകനും സംസ്ഥാന ഐ.ടി, പഞ്ചായത്ത് രാജ് മന്ത്രിയുമായ നര ലോകേഷ്, വ്യവസായ പ്രമുഖരായ മുകേഷ് അംബാനി, അസിം പ്രേംജി, എംഎ യൂസഫലി, ഗൗതം അദാനി, ലക്ഷ്മി മിത്തല്‍, ആനന്ദ് മഹീന്ദ്ര, നന്ദന്‍ നിലേക്കനി, എന്‍.ചന്ദ്രശേഖരന്‍, തുടങ്ങിയവരും പങ്കെടുക്കും.

103 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close