Kerala

തൃശൂരില്‍ നിന്നും കാണാതായ നഴ്‌സിന്റെ മൃതദേഹം ആലുവ പുഴയില്‍: ഭര്‍ത്താവ് കീഴടങ്ങി

കൊച്ചി: ബംഗലൂരുവില്‍ നഴ്‌സായ ആന്‍ലിയ എന്ന യുവതിയെ ആലുവ പുഴയില്‍ ദുരൂഹ സാഹചര്യത്തില്‍ കണ്ടെത്തിയ കേസില്‍ ഭര്‍ത്താവ് ജസ്റ്റിന്‍ കീഴടങ്ങി. ചാവക്കാട് മജിസ്‌ട്രേറ്റ് കോടതിയിലാണ് കീഴടങ്ങിയത്. ഇയാളെ കോടതി 14 ദിവസത്തേയ്ക്ക് റിമാന്‍ഡ് ചെയ്തു.
കേസ് ക്രൈംബ്രാഞ്ചിന് കൈമാറിയതിന് പിന്നാലെയാണ് പ്രതി കീഴടങ്ങിയത്. ഗാര്‍ഹികപീഡനം, ആത്മഹത്യാ പ്രേരണ എന്നിവയാണ് പ്രതിക്കെതിരെ ചുമത്തിയിരിക്കുന്ന കുറ്റങ്ങള്‍.
ആന്‍ലിയയുടെ പിതാവ് ഹൈജിനസ് ജസ്റ്റിനെതിരെ തൃശൂര്‍ സിറ്റി കമ്മീഷണര്‍ക്ക് പരാതി നല്‍കിയിരുന്നു. ഗുരുവായൂര്‍ അസിസ്റ്റന്റ് കമ്മിഷണര്‍ക്കായിരുന്നു അന്വേഷണച്ചുമതല. എന്നാല്‍ അന്വേഷണം സുതാര്യമല്ലെന്നാരോപിച്ച് പരാതിക്കാരന്‍ മുഖ്യമന്ത്രിയെ സമീപിച്ചിരുന്നു. തുടര്‍ന്ന് കേസ് ക്രൈംബ്രാഞ്ചിന് വിടുകയായിരുന്നു.

2018 ഓഗസ്റ്റ് 25 നാണ് ആലിയയെ കാണാതാകുന്നത്. തൃശൂര്‍ റെയില്‍വേ സ്‌റ്റേഷനിലാണ് അവസാനം കണ്ടത്. 28 ന് മൃതദേഹം ആലുവ പുഴയില്‍ കണ്ടെത്തുകയായിരുന്നു. മകളുടെ മരണത്തില്‍ ദുരൂഹതയുണ്ടെന്ന് ആരോപിച്ചാണ് പിതാവ് പോലീസില്‍ പരാതി നല്‍കിയത്. എന്നാല്‍ കേസ് ക്രൈംബ്രാഞ്ചിന് വിട്ടതിന് പിന്നാലെ ജസ്റ്റിന് കീഴടങ്ങുകയായിരുന്നു.

520 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close