Kuwait

ജിസിസി തലത്തില്‍ അംഗീകരിച്ച വാറ്റ് നിയമം പാസാക്കാന്‍ കുവൈറ്റ് സര്‍ക്കാര്‍ തയ്യാറെടുക്കുന്നു

കുവൈറ്റ് സിറ്റി :  ജിസിസി തലത്തില്‍ അംഗീകരിച്ച വാറ്റ് നിയമം പ്രാബല്യത്തിലാകണമെങ്കില്‍ കുവൈറ്റ് പാര്‍ലമെന്റിന്റെ അംഗികാരം വേണം. പാര്‍ലമെന്റില്‍ നിയമം പാസാക്കിയെടുക്കാനുള്ള ശ്രമത്തിലാണ് ഗവണ്‍മെന്റ്. സൗദിയിലും യുഎഇയിലും നിലവില്‍ വന്ന വാറ്റ് നിയമം പാര്‍ലമെന്റിന്റെ അംഗീകാരം ലഭിക്കാത്തതിനാല്‍ ഇതുവരെ കുവൈറ്റില്‍ നടപ്പിലാക്കാന്‍ സാധിച്ചിട്ടില്ല. പൗരന്മാരെ ബാധിക്കാത്ത തരത്തില്‍ വ്യക്തമായ നടപടികള്‍ സ്വീകരിക്കണമെന്ന് നിയമജ്ഞരും അഭിപ്രായപ്പെടുന്നുണ്ട്.
വാറ്റിന് പാര്‍ലമെന്റിന്റെ അംഗീകാരം ലഭിച്ചാല്‍ കുവൈറ്റിലെ പ്രവാസികളെ സംബന്ധിച്ച് തിരിച്ചടിയാകുമെന്ന കാര്യം ഉറപ്പാണ്. ഇതുമൂലം ഉണ്ടാകുന്ന വന്‍ വില വര്‍ധന പ്രവാസികളുടെ കുടുംബ ബജറ്റിനെ താറുമാറാക്കും. നിലവില്‍ തന്നെ ജീവിത ചിലവ് വര്‍ധിച്ചതോടെ പ്രവാസികള്‍ നേരിടുന്നത് വന്‍ പ്രതിസന്ധിയാണ്. താമസ വാടക, ഗാര്‍ഹിക തൊഴിലാളികളുടെ ശമ്പളത്തിലുണ്ടായ വര്‍ധനവ്, സ്‌കൂള്‍ ഫീസിലുണ്ടായ വര്‍ധനവ് എന്നിവയൊക്കെ കുടുംബങ്ങളായി താമസിച്ചുവരുന്ന പ്രവാസികളുടെ കുടുംബ ബജറ്റിന്റെ താളം തെറ്റിച്ചിരിക്കുകയാണ്.

0 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close