Kerala

സ്‌കൂള്‍ വിദ്യാര്‍ത്ഥികളെ പീഡിപ്പിച്ചു: പാസ്റ്റര്‍ക്കെതിരെ പോക്‌സോ കേസ്

വയനാട്: വയനാട്ടില്‍ സ്‌കൂള്‍ വിദ്യാര്‍ത്ഥികളെ പീഡിപ്പിച്ച കേസില്‍ പാസ്റ്ററെ പോലീസ് അറസ്റ്റ് ചെയ്തു.പോക്സോ നിയമപ്രകാരം അഞ്ച് കേസുകളാണ് ഇയാള്‍ക്കെതിരെ ചുമത്തിയത്. കല്‍പ്പറ്റ പോക്സോ കോടതിയില്‍ ഹാജരാക്കിയ ശേഷം റിമാന്റ ചെയ്തു.

അഞ്ചും ഏഴും വയസുളള വിദ്യാര്‍ത്ഥികളെ ലൈംഗിക ഉദ്ദേശ്യത്തോടുകൂടി ദുരുപയോഗം ചെയ്തെന്ന പരാതിയില്‍ പാസ്റ്ററായ പടിഞ്ഞാറത്തറ മാഞ്ഞൂറ സ്വദേശി ചാക്കോ മനോജിനെ ഇന്നലെ രാത്രി പടിഞ്ഞാറത്തറ പോലീസ് അറസ്റ്റ് ചെയ്തത്. ഇയാളുടെ ഓട്ടോറിക്ഷയിലാണ് വിദ്യാര്‍ത്ഥികളെ സ്‌കൂളിലേക്കെത്തിച്ചിരുന്നത്. ഇതിനിടെയാണ് പ്രതി കുട്ടികളെ പീഡിപ്പിക്കാന്‍ ശ്രമിച്ചത്.

കഴിഞ്ഞ ഒരു വര്‍ഷത്തോളമായി ഇയാള്‍ കുട്ടികളെ ലൈംഗികമായി ചൂഷണം ചെയ്തിരുന്നു. മാതാപിതാക്കള്‍ പരാതി നല്‍കിയതിനെതുടര്‍ന്ന് ചൈല്‍ഡ് ലൈന്‍ മുഖാന്തരമാണ് പോലീസ് കേസടുത്തത്. ഇയാള്‍ക്കെതിരെ അഞ്ച് പോക്സോ കേസുകളാണ് രജിസ്റ്റര്‍ ചെയ്തത്. വൈദ്യപരിശോധനക്ക് ശേഷം കല്‍പ്പറ്റ പോക്സോ കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.

1K Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close