World

റഷ്യയിൽ വ്യാജവാർത്തകൾക്ക് നിരോധനം; രാജ്യത്തെ അപകീർത്തിപ്പെടുത്തുന്നത് ക്രിമിനൽ കുറ്റം

മോസ്കോ: റഷ്യയിൽ വ്യാജവാർത്തകൾക്ക് നിരോധനമേർപ്പെടുത്തി. രാജ്യത്തെ ഏതെങ്കിലും തരത്തിൽ അപമാനിക്കുന്ന രീതിയിലുള്ള  വാർത്തകൾ പ്രചരിപ്പിക്കുന്നത് ക്രിമിനൽ കുറ്റമായി കണക്കാക്കും.

അധോസഭയായ ഡ്യൂമ ബിൽ അംഗീകരിച്ചു. ഉപരിസഭയുടെ കൂടി അംഗീകാരത്തിന് ശേഷം പ്രസിഡന്റ് വ്ലാഡിമർ പുടിൻ ഒപ്പ് വയ്ക്കുന്നതോടെ ബിൽ നിയമമാകും.

സമൂഹത്തെ ദോഷകരമായി ബാധിക്കുന്ന തരത്തിലുള്ള വ്യാജവും അവിശ്വസനീയവുമായ വാർത്തകൾക്ക് ഇതോടെ നിയന്ത്രണം വരും. ഇത്തരം അടിസ്ഥാനമില്ലാത്ത വാർത്തകൾ രാജ്യത്തിലെ ജനങ്ങളുടെ ജീവൻ അപകടത്തിലാക്കാറുണ്ടെന്നും പൊതുജനാരോഗ്യത്തെയും പൊതുസുരക്ഷയെയും ഗതാഗതത്തെയും സാമൂഹ്യഘടനയെയും വാർത്താവിനിമയ മാർഗ്ഗങ്ങളെയും സാമ്പത്തികരംഗത്തെയും ദോഷകരമായി ബാധിക്കുമെന്നും അത് രാജ്യത്തിന്റെ ഊർജ്ജശോഷണത്തിന് കാരണമാകുമെന്നും ബില്ലിൽ പറയുന്നു.

രാജ്യത്തിന്റെ ഔദ്യോഗിക ചിഹ്നങ്ങളെയോ നിയമസംഹിതയെയോ ഏതെങ്കിലും തരത്തിൽ അപമാനിക്കുന്നവർക്ക് കർശന ശിക്ഷ ഉറപ്പ് വരുത്താനും ബില്ലിൽ ശുപാർശ ചെയ്യുന്നു.

4K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close