India

കർത്താർപൂർ ഇടനാഴി ; ഇന്ത്യയിൽ നിന്നുള്ള അയ്യായിരം പേർക്ക് നിത്യേന വിസയില്ലാതെ തീർഥാടനം സാദ്ധ്യമാകണമെന്ന് ഇന്ത്യ

ന്യൂഡല്‍ഹി ; കർത്താർപൂർ ഇടനാഴി സംബന്ധിച്ച് ഇന്ത്യയും,പാകിസ്ഥാനും തമ്മിലുള്ള ചർച്ച പൂർത്തിയായി.ഇന്ത്യയിൽ നിന്നും നിത്യേന അയ്യായിരം തീര്‍ഥാടകര്‍ക്ക് ദിവസവും വിസയില്ലാതെ കര്‍ത്താര്‍പുര്‍ ഇടനാഴി ഉപയോഗിക്കാന്‍ അവസരമുണ്ടാകണമെന്ന് ഇന്ത്യ ആവശ്യപ്പെട്ടു .

ഇന്ത്യന്‍ പൗരന്‍മാര്‍ക്ക് മാത്രമല്ല, ഇന്ത്യന്‍ വംശജരായ എല്ലാവര്‍ക്കും ഇതിന് അവസരമുണ്ടാക്കണമെന്നും ആവശ്യപ്പെട്ടതായി ആഭ്യന്തര മന്ത്രാലയ വക്താവ് എസ്.സി.എല്‍ ദാസ് വ്യക്തമാക്കി. ഇടനാഴി സംബന്ധിച്ച് ഇരു ഭാഗത്തുനിന്നും ഫലപ്രദമായ ചർച്ചകളാണ് നടന്നതെന്നും അദ്ദേഹം വ്യക്തമാക്കി .

പഞ്ചാബിലെ ഗുര്‍ദാസ്പുരിലെ ഗുരുനാനാക്ക് ദേരയെ പാകിസ്ഥാനിലെ സാഹിബ് ഗുരുദ്വാരയുമായി ബന്ധിപ്പിക്കുന്നതാണ് കർത്താർപൂർ ഇടനാഴി .ഇതുവഴിയുള്ള തീർഥാടകരുടെ യാത്ര സുഗമമാക്കാനുള്ള ആദ്യ ഘട്ട ചർച്ചയാണ് ഇന്ന് പൂർത്തിയായത്.

ഇരു രാജ്യങ്ങള്‍ക്കുമിടയില്‍ നാലുകിലോമീറ്റര്‍ നീളമുള്ളതാണ് കര്‍ത്താര്‍പൂര്‍ ഇടനാഴി. ഈ ഇടനാഴിയിലൂടെ ഇന്ത്യന്‍ തീര്‍ഥാടകര്‍ക്ക് വിസയില്ലാതെ ഗുരുദ്വാരയിലേക്ക് പോകാൻ കഴിയും . സിഖ് മതസ്ഥാപകനായ ഗുരുനാനാക്ക് 18 വര്‍ഷത്തോളം ജീവിച്ച സ്ഥലമാണ് സാഹിബ് ഗുരുദ്വാര.

അതേ സമയം കര്‍ത്താപൂര്‍ ഇടനാഴി സംബന്ധിച്ച് മാത്രമാണ് പാകിസ്ഥാനുമായി ചർച്ച നടത്തിയതെന്നും,അതിനു പാകിസ്ഥാനുമായുള്ള ഉഭയകക്ഷി ചർച്ചകൾ ആരംഭിച്ചുവെന്ന സൂചനയില്ലെന്നും എസ്.സി.എല്‍ ദാസ് വ്യക്തമാക്കി.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close