Kerala

കോൺഗ്രസ്സ് സ്ഥാനാർത്ഥി നിർണ്ണയം വൈകുന്നതിനെതിരെ വിമർശനവുമായി സുധീരൻ

കൊച്ചി: ലോക്സഭാ തിരഞ്ഞെടുപ്പിലെ കോൺഗ്രസ് സ്ഥാനാർത്ഥിപ്പട്ടിക പ്രഖ്യാപനം വൈകുന്നതിനെതിരെ വിമർശനവുമായി മുൻ കെപിസിസി അദ്ധ്യക്ഷൻ വി എം സുധീരൻ. കോൺഗ്രസ് സ്ഥാനാർത്ഥി നിർണയം വൈകുന്ന സാഹചര്യം ഒഴിവാക്കേണ്ടതായിരുന്നുവെന്ന് വി എം സുധീരൻ പറഞ്ഞു. സ്ഥാനാർത്ഥി നിർണയം പൂർത്തിയാക്കുന്നതിൽ ഇനി ഒട്ടും അമാന്തം അരുതെന്നും അദ്ദേഹം പറഞ്ഞു. കോൺഗ്രസ്സിന് മികച്ച വിജയം നേടാൻ സാധിക്കുന്ന ഈ സാഹചര്യം സ്ഥാനാർത്ഥികളെ തീരുമാനിക്കാൻ വൈകുന്നതിലൂടെ കളഞ്ഞ് കുളിക്കരുതെന്നും സുധീരൻ പറഞ്ഞു.

കേരളാ കോൺഗ്രസ്സിലെ സീറ്റ് തർക്കം മുറുകുന്ന സാഹചര്യത്തെയും സുധീരൻ വിമർശിച്ചു. പ്രശ്നങ്ങൾ ഇത്രത്തോളം വഷളാകുന്ന സാഹചര്യം ഒഴിവാക്കാൻ യുഡിഎഫ് ജാഗ്രത പുലർത്തണമായിരുന്നുവെന്നും അദ്ദേഹം പറഞ്ഞു. കൂടുതൽ യുവാക്കൾ തിരഞ്ഞെടുപ്പ് രംഗത്തേക്ക് കടന്നു വരണമെന്ന് നിർദ്ദേശിച്ച സുധീരൻ, താൻ തിരഞ്ഞെടുപ്പിൽ മത്സരിക്കാനില്ലെന്നും വ്യക്തമാക്കി.

276 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close