കണ്ണൂര്: വയല്ക്കിളി നേതാവ് സുരേഷ് കീഴാറ്റൂര് കണ്ണൂര് ലോകസഭാ മണ്ഡലത്തില് നിന്നും മത്സരിക്കും. സ്വതന്ത്ര സ്ഥാനാര്ത്ഥിയായാകും മത്സരിക്കുക. പാരിസ്ഥിതിക കേരളത്തിന് ഒരു വോട്ട് എന്ന മുദ്രാവാക്യവുമായാണ് പ്രചാരണത്തിനിറങ്ങുന്നതെന്ന് അദ്ദേഹം പറഞ്ഞു.
വയല്ക്കിളികളുടെ പോരാട്ടത്തിന്റെ ഭാഗമായാണ് തിരഞ്ഞെടുപ്പില് മത്സരിക്കുന്നത്. ജയവും പരാജയവും പ്രശ്നമല്ല. ലോക്സഭാ തിരഞ്ഞെടുപ്പില് പരിസ്ഥിതികാര്യങ്ങളും ചര്ച്ചചെയ്യുമെന്നും അദ്ദേഹം വ്യക്തമാക്കി. പ്രളയാനന്തര കേരളത്തിന്റെ പുനര് നിര്മ്മാണത്തില് ഇടത്-വലത് അജണ്ടയാണ് നടപ്പാക്കുന്നതെന്നും സുരേഷ് കീഴാറ്റൂര് ആരോപിച്ചു.
സിപിഎം പ്രവര്ത്തകനായിരുന്ന അദ്ദേഹം ദേശീയപാതയ്ക്കായി വയല് നികത്താനുള്ള സര്ക്കാരിന്റെ നീക്കത്തിനെതിരെ സമരത്തിനിറങ്ങിയാണ് പാര്ട്ടിയുമായി ഇടഞ്ഞത്. വയല്ക്കിളി സമരത്തിന്റെ ഭാഗമായി നടത്തിയ നിരാഹാര സമരം നടത്തിയാണ് ശ്രദ്ധേയനായത്.