India

ആദ്യ വോട്ട് 1951 ൽ ; ശ്യാം ശരൺ ലോക്സഭയിൽ വോട്ടു ചെയ്യാൻ പോകുന്നത് പതിനേഴാം തവണ

സിംല : ശ്യാംശരൺ നേഗിക്ക് സംശയമേതുമില്ല . ഈ ലോക്സഭ തെരഞ്ഞെടുപ്പിലും താൻ വോട്ട് ചെയ്യും. എന്തൊക്കെ പ്രതിസന്ധികളുണ്ടായാലും വോട്ട് ചെയ്യാൻ തന്നെയാണ് തീരുമാനം. ഈ തീരുമാനം ഇപ്പോൾ ഉണ്ടായതല്ല . 1951 മുതൽ വോട്ട് ചെയ്യാതിരുന്നിട്ടില്ല ശ്യാംശരൺ.

ലോക്സഭ മാത്രമല്ല നിയമസഭ തെരഞ്ഞെടുപ്പിലും ഇന്നേവരെ വോട്ടിംഗ് മുടക്കിയിട്ടില്ല ഈ നൂറു വയസ്സുകാരൻ .ഇപ്പോൾ തിരഞ്ഞെടുപ്പ് കമ്മീഷനു വേണ്ടി ജനങ്ങളെ വോട്ടു ചെയ്യാൻ പ്രേരിപ്പിക്കുകയാണ് ശ്യാം ശരണെന്ന റിട്ടയേഡ് സ്കൂൾ മാഷ്.

ഹിമാചലിലെ നൂറു വയസ്സ് കഴിഞ്ഞ ആയിരത്തി പതിനൊന്ന് വോട്ടർമാരിൽ ഒരാളാണ് ഇദ്ദേഹം. വോട്ടർമാർക്കുള്ള മാതൃകകളായി ഇവരെ പ്രഖ്യാപിക്കാനൊരുങ്ങുകയാണ് തെരഞ്ഞെടുപ്പ് കമ്മീഷൻ.

ഹിമാചലിൽ പൊതുവെ തെരഞ്ഞെടുപ്പ് ശതമാനം ഹരിയാന . പഞ്ചാബ് എന്നിവിടങ്ങളിലേക്കാൾ കുറവാണ്. കഴിഞ്ഞ വട്ടം ഇത് 64.4 ശതമാനം മാത്രമായിരുന്നു.

977 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close