India

പിനാകി ചന്ദ്രഘോഷ് ആദ്യ ലോക്പാലാകും

ന്യൂഡൽഹി : മുൻ സുപ്രീം കോടതി ജസ്റ്റിസ് പിനാകി ചന്ദ്ര ഘോഷ് രാജ്യത്തെ ആദ്യ ലോക്പാലാകുമെന്ന് റിപ്പോർട്ട്. പ്രധാനമന്ത്രി നരേന്ദ്രമോദി . സുപ്രീം കോടതി ചീഫ് ജസ്റ്റിസ് രഞ്ജൻ ഗോഗോയ് , ലോക്സഭ സ്പീക്കർ സുമിത്ര മഹാജൻ, മുതിർന്ന അഭിഭാഷകനും മുൻ അറ്റോർണി ജനറലുമായ മുകുൽ രോഹ്തഗി എന്നിവരടങ്ങുന്ന സമിതിയാണ് ഘോഷിനെ തെരഞ്ഞെടുത്തത്.

2017 മെയ് മാസത്തിൽ സുപ്രീം കോടതിയിൽ നിന്ന് വിരമിച്ച ജസ്റ്റിസ് പിസി ഘോഷ് ഇപ്പോൾ മനുഷ്യാവകാശ കമ്മീഷൻ അംഗമാണ്. ആന്ധപ്രദേശിലും ബംഗാളിലും ചീഫ്ജസ്റ്റിസായിരുന്നിട്ടുണ്ട്. നാല് റിട്ടയേഡ് ഹൈക്കോടതി ജഡ്ജിമാരും നാല് റിട്ടയേഡ് സിവിൽ സർവീസ് ഉദ്യോഗസ്ഥരുമായിരിക്കും ലോക്പാലിലെ മറ്റ് അംഗങ്ങൾ.
ഭരണഘടനാ സ്ഥാപനങ്ങളുടെ തലപ്പത്തും സർക്കാർ തലപ്പത്തും ഉണ്ടാകുന്ന അഴിമതി ഇല്ലാതാക്കാൻ ലക്ഷ്യമിട്ടുള്ള സംവിധാനമാണ് ലോക്പാൽ.

കോൺഗ്രസ് ലോക്സഭ കക്ഷി നേതാവ് മല്ലികാർജുന ഖാർഗെ സമിതിയിൽ അംഗമായിരുന്നെങ്കിലും യോഗത്തിൽ പങ്കെടുത്തില്ല. ക്ഷണിതാവാക്കിയതിൽ പ്രതിഷേധിച്ചാണ് ഖാർഗെ യോഗത്തിൽ പങ്കെടുക്കാഞ്ഞത്.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close