പമ്പ : സന്നിധാനത്ത് അയ്യപ്പഭക്തനെ പൊലീസ് മർദ്ദിച്ച് അവശനാക്കി. ചങ്ങനാശ്ശേരി സ്വദേശി ഗണേശനെ ആണ് പൊലീസ് മർദ്ദിച്ചത്. ആചാര ലംഘനത്തിനെതിരെ പ്രതികരിച്ചതിനെ തുടർന്നാണ് മർദ്ദനം.എസ്.പി സുജിത് മർദ്ദിച്ചുവെന്നാണ് റിപ്പോർട്ട്.
നടപ്പന്തലിൽ ഇരിക്കുന്ന അയ്യപ്പ ഭക്തരെ പൊലീസ് ഇറക്കിവിടാൻ ശ്രമിച്ചതിനെതിരെ ഗണേശൻ പ്രതികരിച്ചു. തുടർന്ന് ഇദ്ദേഹത്തെ വിളിച്ചു കൊണ്ടു പോയി മർദ്ദിക്കുകയായിരുന്നു. സംഭവം ഷൂട്ട് ചെയ്യാൻ ശ്രമിച്ച ജനം ടിവി സംഘത്തിനു നേരേയും എസ്.പി തട്ടിക്കയറി.
ഗണേശനെ കോട്ടയം മെഡിക്കൽ കോളേജിൽ പ്രവേശിപ്പിച്ചു. ഇദ്ദേഹത്തിന്റെ അടിവയറ്റിൽ തൊഴിക്കുകയായിരുന്നു.സന്നിധാനത്ത് അയ്യപ്പഭക്തനെ മർദ്ദിച്ച് അവശനാക്കിയ എസ്.പിയെ സർവീസിൽ നിന്ന് സസ്പെൻഡ് ചെയ്യണമെന്ന് വിശ്വഹിന്ദു പരിഷദ് ആവശ്യപ്പെട്ടു.