പനാജി: ഗോവ മുഖ്യമന്ത്രിയായി പ്രമോദ് സാവന്ത് സത്യപ്രതിജ്ഞ ചെയ്തു. അര്ദ്ധരാത്രി വരെ നീണ്ട ചര്ച്ചകള്ക്കൊടുവിലായിരുന്നു സത്യപ്രതിജ്ഞ. ഗോവ നിയമസഭ സ്പീക്കറായിരുന്നു പ്രമോദ് സാവന്ത്. സാവന്തിനൊപ്പം 11 മന്ത്രിമാരും സത്യപ്രതിജ്ഞ ചെയ്തു. പുലര്ച്ചെ രണ്ട് മണിയോടെയായിരുന്നു സത്യപ്രതിജ്ഞ ചടങ്ങുകള്. രാജ്ഭവനില് നടന്ന ചടങ്ങില് ഗവര്ണര് മൃദുല സിന്ഹ സത്യവാചകം ചൊല്ലിക്കൊടുത്തു.
മുഖ്യമന്ത്രിയായിരുന്ന മനോഹര് പരീക്കറുടെ നിര്യാണത്തെ തുടര്ന്നാണ് പുതിയ മുഖ്യമന്ത്രിയെ തിരഞ്ഞെടുത്തത്. ഗോവ ഫോര്വേഡ് പാര്ട്ടി നേതാവ് വിജയ് സര്ദേശായി, മഹാരാഷ്ട്രവാദി ഗോമന്തക് പാര്ട്ടി എംഎല്എ സുദില് ധവാലികര് എന്നിവര് ഉപമുഖ്യമന്ത്രിമാരായും ചുമതലയേറ്റു.