India

ഭീകരവാദത്തിനെതിരായ പോരാട്ടം തുടരുന്നു; ഹിസ്ബുൾ തലവൻ സയ്യിദ് സലാഹുദ്ദീന്റെ 1.22 കോടിയുടെ സ്വത്തുക്കൾ കണ്ടുകെട്ടി

ന്യൂഡൽഹി: ഭീകരവാദത്തിനെതിരായ ശക്തമായ നടപടികൾ രാജ്യത്തു തുടരുന്നു. പാകിസ്ഥാൻ ആസ്ഥാനമായി പ്രവർത്തിക്കുന്ന ഭീകരവാദ സംഘടനയായ ഹിസ്ബുൾ മുജാഹിദ്ദീൻ നേതാവായ സയ്യിദ് സലാഹുദ്ദീന്റെ 1.22 കോടി വില വരുന്ന വസ്തുവകകൾ എൻഫോഴ്സ്മെന്റ് ഡയറക്ടറേറ്റ് കണ്ടുകെട്ടി.

ഭീകരപ്രവർത്തനങ്ങൾക്ക് സാമ്പത്തിക സഹായം ചെയ്തതിനാണ് ഇയാളുടെ സ്വത്തുക്കൾ കണ്ടുകെട്ടിയത്.

Loading...

കള്ളപ്പണം തടയുന്നതിനുള്ള നിയമപ്രകാരമാണ് നടപടി.

തീവ്രവാദ സംഘടനകൾക്ക് വേണ്ടി പ്രവർത്തിച്ച മുഹമ്മദ് ഷാഫി ഷാ അടക്കമുള്ള ഏഴ് പേരുടെ വസ്തുക്കളാണ് എൻഫോഴ്സ്മെന്റ് കണ്ടുകെട്ടിയത്. ദേശീയ അന്വേഷണ ഏജൻസി ഇവരുടെ പേരിൽ യു എ പി എ അടക്കമുള്ള കുറ്റങ്ങൾ ചുമത്തിയിരുന്നു.

കശ്മീരിലെ ഭീകരവാദപ്രവർത്തനങ്ങളിൽ ശക്തമായ സാന്നിദ്ധ്യമാണ് ഹിസ്ബുൾ മുജാഹിദ്ദീൻ. ജമ്മു കശ്മീരിലെ ഭീകരവാദ സംഘങ്ങളുടെ മുഖ്യ സാമ്പത്തിക സ്രോതസ്സാണ് ഹിസ്ബുൾ മുജഹിദ്ദീൻ. ഐ എസ് ഐ അടക്കമുള്ള പാകിസ്ഥാൻ ഭീകരവാദ സംഘടനകളുടെ മൗനാനുവാദത്തോടെ ജമ്മു കാശ്മീർ അഫക്ടീസ് റിലീഫ് ട്രസ്റ്റ് എന്ന പേരിൽ ഇന്ത്യയിൽ ഇവർ തീവ്രവാദ പ്രവർത്തനങ്ങൾക്ക് സഹായമെത്തിക്കുന്നതായും എൻഫോഴ്സ്മെന്റ് ഡയറക്ടറേറ്റ് പറഞ്ഞു.

1K Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close