Kerala

ഓച്ചിറയിൽ പെൺകുട്ടിയെ തട്ടിക്കൊണ്ട് പോയ കേസ്; ഒരാൾ പിടിയിൽ

ഓച്ചിറ: കൊല്ലം ഓച്ചിറയിൽ മാതാപിതാക്കളെ മർദ്ദിച്ചവശരാക്കിയശേഷം രാജസ്ഥാൻ സ്വദേശിനിയായ പെൺകുട്ടിയെ തട്ടിക്കൊണ്ടു പോയ കേസിൽ ക്രിമിനൽ കേസ് പ്രതി പിടിയിൽ. പ്യാരി എന്നയാളാണ് പൊലീസ് പിടിയിലായിരിക്കുന്നത്.

ഇതോടെ കേസിൽ മൂന്ന് പേർ പിടിയിലായി. ഓച്ചിറ സ്വദേശികളായ അനന്തു, വിപിൻ എന്നിവർ നേരത്തെ പൊലീസ് പിടിയിലായിരുന്നു. കേസിലെ മുഖ്യപ്രതിയായ മുഹമ്മ്ദ് റോഷൻ ഇപ്പോഴും ഒളിവിലാണ്. ഇയാൾ പ്രാദേശിക സിപിഐ നേതാവിന്റെ മകനാണ്. പിടിയിലായ പ്യാരി മുൻപും പല ക്രിമിനൽ കേസുകളിലും ഉൾപ്പെട്ട വ്യക്തിയായിരുന്നു. ഇയാൾക്കെതിരെ കാപ്പ ചുമത്തുമെന്ന് പൊലീസ് അറിയിച്ചു.

ഇതിന് മുൻപും പ്രതികൾ പെൺകുട്ടിയെ തട്ടിക്കൊണ്ട് പോകാൻ ശ്രമിച്ചിരുന്നു. അന്ന് മാതാപിതാക്കള്‍ പോലീസില്‍ പരാതി നല്‍കിയെങ്കിലും പോലീസ് നടപടിയെടുത്തിരുന്നില്ല. പ്രാദേശിക സിപിഐ നേതാവിന്റെ മകനായ മുഹമ്മദ് റോഷന്റെ രാഷ്ട്രീയ സ്വാധീനത്തെത്തുടർന്നായിരുന്നു പൊലീസ് നടപടിയെടുക്കാതിരുന്നതെന്ന് ആരോപണം ഉയർന്നിരുന്നു. അന്ന് പൊലീസ് വേണ്ട നടപടികൾ സ്വീകരിക്കാതിരുന്നത് കുറ്റകൃത്യം ആവർത്തിക്കപ്പെടുന്നതിന് പ്രേരണയാകുകയായിരുന്നു.

734 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close