Kuwait

സയൻസ് ഇന്റർനാഷണൽ ഫോറം കുവൈറ്റ് ‘സയൻസ് ഗാല’ ഏപ്രില്‍ 12ന്

കുവൈറ്റ് സിറ്റി – സയൻസ് ഇന്റർനാഷണൽ ഫോറം കുവൈറ്റും യൂണിമണി എക്സ്ചേഞ്ചും സംയുക്തമായി 2018-‘19 അധ്യയന വർഷത്തെ ‘സയൻസ് ഗാല’ സംഘടിപ്പിക്കുന്നു. ഏപ്രിൽ 12ന് ഖൈത്താൻ ഇന്ത്യൻ കമ്മ്യുണിറ്റി സ്‌കൂളിൽ വൈകിട്ട് 6 ന് നടക്കുന്ന പരിപാടിയില്‍ ഇൻസ്റ്റിറ്റിയൂട്ട് ഓഫ് കെമിക്കൽ ടെക്‌നോളജി വൈസ് ചാൻസലർ പദ്മശ്രീ ഡോ. ഗണപതി ഡി. യാദവ് മുഖ്യാതിഥിയായി പങ്കെടുക്കും. ശാസ്ത്രപ്രതിഭ മത്സരവിജയികൾക്കും കുവൈറ്റ്  ചിൽഡ്രൻസ് സയൻസ് കോൺഗ്രസ്സ് വിജയികൾക്കുമുള്ള പുരസ്കാരങ്ങൾ ചടങ്ങിൽ വച്ച് നൽകും. 2018-’19 അധ്യയനവർഷത്തെ ശാസ്ത്രപ്രതിഭ പരീക്ഷയിൽ മികച്ച പ്രകടനം കാഴ്ച വച്ച സ്‌കൂളിനുള്ള ‘ആചാര്യ ജെ. സി. ബോസ് പുരസ്കാരം’ ഭാരതീയവിദ്യാഭവൻ കുവൈറ്റിന് നൽകും. ചടങ്ങിൽ കുവൈറ്റ് യൂണിവേഴ്സിറ്റി ഫാക്കൽറ്റി ഓഫ് സയൻസിലെ അസോസിയേറ്റ് പ്രൊഫസ്സർ ഡോ.സൂസൻ അൽ-ബുസ്താൻ സംബന്ധിക്കും. ശാസ്ത്രപ്രതിഭകൾക്ക് ഡോ. ഗണപതിയുമായി സംവദിക്കാനുള്ള പ്രത്യേക അവസരവും അന്നേ ദിവസം രാവിലെ 9.30ന് സാൽമിയ ഐബിസ് ഹോട്ടലിൽ ഒരുക്കിയിട്ടുണ്ടെന്ന് സംഘാടകര്‍ അറിയിച്ചു.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close