India

ചന്ദ്രശേഖർ ആസാദ് ബിജെപി ഏജന്റാണെന്ന് മായാവതി

ലഖ്നൗ : ഭീം ആർമി തലവൻ ചന്ദ്രശേഖർ ആസാദ് ബിജെപിയുടെ ഏജന്റാണെന്ന് മായാവതി. ഇയാളെ ചാരനായി ബിഎസ്പിയിൽ ചേർക്കാൻ ബിജെപി ശ്രമിച്ചതായും ബിഎസ്പി ആരോപിച്ചു. ആസാദ് വാരാണസിയിൽ പ്രധാനമന്ത്രി നരേന്ദ്ര മോദിക്കെതിരെ സ്ഥാനാർത്ഥിത്വം പ്രഖ്യാപിച്ചതിനെ തുടർന്നാണ് മായാവതിയുടെ പരാമർശം.

വാരാണസിയിലെ പട്ടികജാതി വോട്ടുകൾ വിഭജിപ്പിക്കാനാണ് ചന്ദ്രശേഖർ സ്ഥാനാർത്ഥിയാകുന്നത്. ഇത് ബിജെപിക്ക് ഗുണം ചെയ്യാനാണ്. ഭീം ആർമി ഉണ്ടായത് പട്ടികജാതിക്കാർക്കെതിരെയാണെന്നും ബിജെപിയാണ് പിന്നിലെന്നും മായാവതി ആരോപിച്ചു.മോദി സർക്കാരിനെ പുറത്താക്കുകയാണ് ലക്ഷ്യമെന്നും ഒരു വോട്ടു പോലും പാഴാക്കരുതെന്നും മായാവതി അഭ്യർത്ഥിച്ചു.

റോഡ് ഷോയോടുകൂടിയാണ് ചന്ദ്രശേഖർ ആസാദിന്റെ പ്രചാരണം വാരാണസിയിൽ ആരംഭിച്ചത്.മോദി പണക്കാരോടൊപ്പമാണെന്നായിരുന്നു ആസാദിന്റെ വാദം. മോദിയുടെ തകർച്ച വാരാണസിയിൽ നിന്ന് തുടങ്ങുമെന്നും ആസാദ് വ്യക്തമാക്കിയിരുന്നു. ഇതിനു ശേഷമായിരുന്നു ആസാദിനെ ബിജെപി ഏജന്റാക്കി മായാവതിയുടെ പരാമർശം വന്നത്.

346 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close