World

ബ്രക്‌സിറ്റ്: ജൂണ്‍ 30 വരെ നീട്ടണമെന്ന് ആവശ്യം; നാളെ അടിയന്തര യോഗം

ബ്രസല്‍സ്: ബ്രക്‌സിറ്റ് തിയതി ജൂണ്‍ 30 വരെ നീട്ടണമെന്ന ആവശ്യവുമായി തെരേസ മേ. കൂടുതല്‍ ചര്‍ച്ചകള്‍ക്കായി പ്രധാനമന്ത്രി തെരേസമേ ബ്രസല്‍സിലെത്തി. ഇത് സംബന്ധിച്ച് തീരുമാനം എടുക്കാന്‍ നാളെ യൂറോപ്യന്‍ യൂണിയന്‍ അടിയന്തരയോഗം ചേരും. യൂറോപ്യന്‍ യൂണിയന്‍ നേതാക്കള്‍ യോഗത്തില്‍ മേയുടെ അഭ്യര്‍ത്ഥനയില്‍ തീരുമാനമെടുക്കും.

ഒരു വര്‍ഷം വരെ സമയമെടുക്കാമെന്നാണ് യൂറോപ്യന്‍ കൗണ്‍സില്‍ പ്രസിഡന്റ് ഡോണള്‍ഡ് ടസ്‌കിന്റെ അഭിപ്രായം. നേരത്തെ ജര്‍മ്മന്‍ ചാന്‍സലര്‍ ആംഗലാ മെര്‍ക്കലുമായി മേ കൂടിക്കാഴ്ച നടത്തിയിരുന്നു. ബ്രക്‌സിറ്റ് ഒരു വര്‍ഷം വരെ നീട്ടാന്‍ തയ്യാറാണെന്നാണ് മെര്‍ക്കലും അഭിപ്രായപ്പെടുന്നത്.

നിലവിലെ കരാര്‍ അനുസരിച്ച് വെള്ളിയാഴ്ചയാണ് ബ്രിട്ടണ്‍ യൂറോപ്യന്‍ യൂണിയനില്‍ നിന്നും പുറത്ത് പോവേണ്ടത്. ജൂണ്‍ 30 വരെ കരാര്‍ നീട്ടുന്നതിന് മുമ്പ് കരാറിലെ വ്യവസ്ഥകള്‍ ബ്രിട്ടീഷ് പാര്‍ലമെന്റ് അംഗീകരിക്കണം.

75 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close