Kerala

നാമജപം കേട്ട് അസ്വസ്ഥനായി മുഖ്യമന്ത്രി ; ക്ഷേത്രത്തിലെ ഉച്ചഭാഷിണിയുടെ വൈദ്യൂതി ബന്ധം വിച്ഛേദിച്ച് നേതാക്കൾ,പ്രതിഷേധവുമായി വിശ്വാസികൾ

തിരുവനന്തപുരം : നാമജപം കേട്ട് അസ്വസ്ഥനായി മുഖ്യമന്ത്രി പിണറായി വിജയൻ.സമാധാനിപ്പിക്കാനായി ക്ഷേത്രത്തിലെ ഉച്ചഭാഷിണിയുടെ വൈദ്യൂതി ബന്ധം വിച്ഛേദിച്ച് നേതാക്കൾ.

കാട്ടാക്കടയിലാണ് സംഭവം.തെരഞ്ഞെടുപ്പ് പ്രചാരണ പരിപാടിയിൽ മുഖ്യമന്ത്രി പ്രസംഗിക്കുന്നതിനിടെയാണ് തൊട്ടടുത്തെ കൊടിപ്പുര ക്ഷേത്രത്തിൽ നിന്ന് നാമജപം ഉയർന്നത്. അസ്വസ്ഥനായ മുഖ്യമന്ത്രി എന്താണ് അവിടെ പരിപാടി എന്ന് വേദിയിലുണ്ടായിരുന്നവരോട് ചോദിച്ചു. ക്ഷേത്രോത്സവത്തിന്റെ ഭാഗമായുളളതാണെന്ന് നേതാക്കൾ പറഞ്ഞെങ്കിലും മുഖ്യമന്ത്രിയുടെ അസ്വസ്ഥത മാറാത്തതിനെ തുടർന്ന് വേദിയിൽ നിന്നും വി ശിവൻ കുട്ടി എം എൽ എ,ഐ ബി സതീഷ്കുമാർ എം എൽ എ എന്നിവർ ചാടിയിറങ്ങി.ഇവരും ഒപ്പമുള്ളവരും ചേർന്ന് ക്ഷേത്രത്തിലെ ഉച്ചഭാഷിണിയുടെ വൈദ്യൂതിബന്ധം വിച്ഛേദിച്ചു.

സംഭവം പകർത്താൻ ശ്രമിച്ച ചാനൽ പ്രവർത്തകനെ സിപിഎം നേതാക്കൾ ഭീഷണിപ്പെടുത്തിയതായും പരാതിയുണ്ട്. ശബരിമല വിഷയത്തിൽ മുഖ്യമന്ത്രിയ്ക്കെതിരെ വിശ്വാസ സമൂഹത്തിനുള്ള പ്രധാന ആയുധം നാമജപമായിരുന്നു . അതിനു ശേഷമാണ് നാമജപം കേൾക്കുന്നത് മുഖ്യമന്ത്രിയ്ക്ക് അസ്വസ്ഥയുണ്ടാക്കുന്നതെന്നാണ് നാട്ടുകാരുടെ അഭിപ്രായം. സംഭവത്തിൽ പ്രതിഷേധം ശക്തമാകുകയാണ്.

19K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close