India

ഷക്കീൽ അഹമ്മദ് കോൺഗ്രസ്സിൽ നിന്ന് രാജിവെച്ചു; തിരഞ്ഞെടുപ്പിൽ സ്വതന്ത്രനായി മത്സരിക്കും

ന്യൂഡൽഹി: മുതിർന്ന കോൺഗ്രസ്സ് നേതാവും പാർട്ടി വക്താവുമായ ഷക്കീൽ അഹമ്മദ് കോൺഗ്രസ്സിൽ നിന്ന് രാജിവെച്ചു. ബിഹാറിലെ മധുബനി ലോക്സഭാ മണ്ഡലത്തിൽ നിന്ന് സ്വതന്ത്രനായി ജനവിധി തേടുമെന്ന് അദ്ദേഹം അറിയിച്ചു.

‘കോൺഗ്രസ്സ് വക്താവ് എന്ന സ്ഥാനം ഞാൻ രാജിവെക്കുന്നു. ബിഹാറിലെ മധുബനി ലോക്സഭാ മണ്ഡലത്തിൽ നിന്നും സ്വതന്ത്രനായി തിരഞ്ഞെടുപ്പിൽ മത്സരിക്കാൻ അടുത്ത ദിവസം തന്നെ നാമനിർദ്ദേശ പത്രിക സമർപ്പിക്കാൻ പോകുകയാണ്.’ ഷക്കീൽ അഹമ്മദ് വ്യക്തമാക്കി.

അഹമ്മദിന്റെ സ്ഥിരം സീറ്റായ മധുബനി, സീറ്റ് ധാരണപ്രകാരം സഖ്യകക്ഷിയായ വി ഐ പിക്ക് നൽകിയതിൽ അസംതൃപ്തനായാണ് രാജിയെന്നാണ് സൂചന.

സീറ്റ് ധാരണപ്രകാരം കോൺഗ്രസ്സ് ഇത്തവണ ബിഹാറിലെ നാൽപ്പത് സീറ്റുകളിൽ മാത്രമേ മത്സരിക്കുന്നുള്ളൂ.

ബിഹാറിലെ നാല് ലോക്സഭാ മണ്ഡലങ്ങളിലേക്ക് ഏപ്രിൽ 11ന് തിരഞ്ഞെടുപ്പ് നടന്നിരുന്നു. ബാക്കിയുള്ള സീറ്റുകളിലേക്ക് അടുത്ത ആറ് ഘട്ടങ്ങളിലും തിരഞ്ഞെടുപ്പ് നടക്കും.

364 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close