Kerala

കെഎസ്ആര്‍ടിസി ബസും കാറും കൂട്ടിയിടിച്ച് രണ്ടു മരണം

കൊച്ചി: തൃപ്പൂണിത്തുറയില്‍ കാറും കെ.എസ്.ആര്‍.ടി.സി ബസും കൂട്ടിയിടിച്ച് രണ്ടു മരണം. ഇന്ന് രാവിലെ 11 മണിയോടെ തൃപ്പൂണിത്തുറ കൊച്ചുപള്ളി ജങ്ഷനടുത്താണ് അപകടം നടന്നത്.

അങ്കമാലി സ്വദേശികളായ പി.ആര്‍.ഇ.നായര്‍, പങ്കജാക്ഷി അമ്മ എന്നിവരാണ് മരണപ്പെട്ടത്. വൈക്കത്ത് നിന്ന് വരികയായിരുന്ന ഇവരുടെ കാര്‍ കോട്ടയം ഭാഗത്തേക്ക് പോവുകയായിരുന്ന ഫാസ്റ്റ് പാസഞ്ചറില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാര്‍ കറങ്ങി റോഡിന്റെ മറുഭാഗത്തെത്തി.

കാറിന്റെ മുന്‍ഭാഗം ഏതാണ്ട് പൂര്‍ണ്ണമായും തകര്‍ന്നു. വാഹനമോടിച്ചിരുന്ന പി.ആര്‍.ഒ നായരും പിന്‍സീറ്റിലിരുന്ന പങ്കജാക്ഷിയമ്മയും തല്‍ക്ഷണം മരണപ്പെട്ടു. വാഹനമോടിച്ചയാള്‍ ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം.

6 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close