Kerala

ശനിയാഴ്ച മുതല്‍ കേരളത്തില്‍ ട്രെയിനുകള്‍ക്ക് നിയന്ത്രണം

തിരുവനന്തപുരം: അറ്റകുറ്റപ്പണികള്‍ നടക്കുന്നതിനാല്‍ ശനിയാഴ്ച മുതല്‍ കേരളത്തിലെ ട്രെയിനുകള്‍ക്ക് നിയന്ത്രണം ഉണ്ടായിരിക്കുന്നതണെന്ന് റെയില്‍വേ അറിയിച്ചു.എറ്റക്കോട്ട് മുതല്‍ കണ്ണൂര്‍ സൗത്ത് വരെയുള്ള സ്ഥലങ്ങളിലാണ് അറ്റകുറ്റപ്പണി നടക്കുന്നത്.

ട്രെയിന്‍ നമ്പര്‍ 16312 കൊച്ചുവേളി-ശ്രീനഗര്‍ എക്‌സ്പ്രസ്സ് ഏപ്രില്‍ 20-നും മെയ് 5-നും പാലക്കാട് ഡിവിഷനില്‍ നിന്നും 1 മണിക്കൂര്‍ 20 മിനിട്ട് വൈകിയെ യാത്ര പുനരാരംഭിക്കു എന്ന് റെയില്‍വേ അറിയിച്ചു. ട്രെയിന്‍ നമ്പര്‍ 16606 നാഗര്‍കോവില്‍-മംഗലാപുരം ഏറനാട് എക്‌സ്പ്രസ് ഏപ്രില്‍ 21-നും 30-നും 1 മണിക്കൂര്‍ വൈകിയേ മംഗലാപുരത്ത് എത്തുകയുള്ളൂ.ട്രെയിന്‍ നമ്പര്‍ 22150 പൂനെ-എറണാകുളം എക്‌സ്പ്രസ് ഏപ്രില്‍ 25-നും 29-നും 1 മണിക്കൂര്‍ 40 മിനിട്ട് വൈകുമെന്നും റെയില്‍വേ അറിയിച്ചിട്ടുണ്ട്.

ഷൊര്‍ണ്ണൂരില്‍ അറ്റകുറ്റപ്പണികള്‍ നടക്കുന്നതിനാല്‍ ട്രെയിന്‍ നമ്പര്‍ 16305 എറണാകുളം-കണ്ണൂര്‍ എക്‌സ്പ്രസിന് ഏപ്രില്‍ 21 മുതല്‍ 28 വരെ 1 മണിക്കൂര്‍ 30 മിനിട്ട് നിയന്ത്രണമുണ്ടാകും.
പാത ഇരട്ടിപ്പിക്കലിന്റെ ഭാഗമായി ഹൈദരാബാദ്-തിരുവനന്തപുരം ശബരി എക്‌സ്പ്രസ് കൃഷ്ണക്കനാല്‍,ഗുണ്ടൂര്‍ സ്റ്റേഷന്‍ വഴിയാകും പോകുക.ഈ റൂട്ടില്‍ പോകുന്ന മറ്റ് ട്രെയിനുകളും വഴി തിരിച്ച് വിടാനാണ് സാധ്യത.

312 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close