World

കാണാതായ പര്‍വ്വതാരോഹകരുടെ മൃതശരീരങ്ങള്‍ മഞ്ഞുപാളികള്‍ക്കിടയില്‍ കണ്ടെത്തി

കാനഡ: കാണാതായ പര്‍വ്വതാരോഹകരുടെ മൃതശരീരങ്ങള്‍ മഞ്ഞുപാളികള്‍ക്കിടയില്‍ നിന്നും കണ്ടെടുത്തു. അമേരിക്കന്‍ വംശജനായ ഹന്‍സ്‌ജോര്‍ഗ് ഔര്‍, ഓസ്‌ട്രേലിയക്കാരനായ ജെസ് റോസ്‌കെല്ലി, ഡേവിഡ് ലമ എന്നിവരുടെ മൃതദേഹങ്ങളാണ് കാനഡയിലെ മഞ്ഞുപാളികള്‍ക്കിടയില്‍ നിന്നും കണ്ടെത്തിയത്.

കാനഡയിലെ ബാന്‍ഫ് നാഷണല്‍ പാര്‍ക്കിലെ പര്‍വ്വതനിരയിലേക്ക് കയറിക്കൊണ്ടിരിക്കുന്നതിനിടയിലാണ് ഇവരെ കാണാതായത്. ചൊവ്വാഴ്ച്ച മുതലാണ് ഇവര്‍ അപ്രത്യക്ഷമായതെന്നാണ് ലഭ്യമാകുന്ന വിവരം. ബുധനാഴ്ച്ച മുതല്‍ അധികൃതര്‍ സംഭവസ്ഥലത്ത് തെരച്ചില്‍ തുടങ്ങിയെങ്കിലും വിവരങ്ങളൊന്നും ലഭിച്ചില്ല.

പര്‍വ്വതാരോഹണത്തിനു സഹായിക്കുന്ന ഉപകരണങ്ങള്‍ മഞ്ഞുപാളികള്‍ക്കിടയില്‍ നിന്നും കണ്ടെടുത്തതോടെ മൂവരും മരിച്ചെന്ന നിഗമനത്തിലെത്തി. മോശം കാലാവസ്ഥയെ തുടര്‍ന്ന് താല്‍ക്കാലികമായി നിര്‍ത്തി വച്ചിരുന്ന തെരച്ചില്‍ വ്യാഴാഴ്ച്ച പുനരാരംഭിച്ചതോടെയാണ് മൃതദേഹങ്ങള്‍ കണ്ടെത്തിയത്.

179 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close