Kerala

തൃശ്ശൂരില്‍ ഓട്ടോയില്‍ കയറിയ യുവതിക്കെതിരെ അതിക്രമം

തൃശ്ശൂര്‍: കനത്ത മഴയെ തുടര്‍ന്ന് ഓട്ടോയില്‍ കയറിയ യുവതിക്കെതിരെ അതിക്രമത്തിന് ശ്രമം.യുവതിയുടെ പരാതിയില്‍ തൃശ്ശൂര്‍ വെസ്റ്റ് പോലീസ് രണ്ട് പേര്‍ക്കെതിരെ കേസെടുത്ത് അന്വേഷണമാരംഭിച്ചു.

എറണാകുളത്ത് ജോലി ചെയ്യുന്ന യുവതി തമിഴ്‌നാട് സ്വദേശിനിയാണ്.തൃശ്ശൂര്‍ സ്വദേശിയായ യുവാവുമായി ഇവരുടെ വിവാഹ നിശ്ചയം കഴിഞ്ഞിരുന്നു.ഇവിടേക്ക് പോകാനായി തൃശ്ശൂരിലെത്തിയ യുവതി കനത്ത മഴയെ തുടര്‍ന്ന് ഒളരിയിലെ ബാറിന് സമീപത്ത് നിന്നും ഓട്ടോ വിളിക്കുകയായിരുന്നു.എന്നാല്‍ ബാറിന് സമീപത്ത് നിന്നും മറ്റൊരാള്‍ ഓട്ടോയില്‍ കയറുകയും തന്നെ അപമാനിക്കാന്‍ ശ്രമിച്ചെന്നുമാണ് യുവതിയുടെ മൊഴി.

ഒച്ച വെച്ചതോടെ ആളുകള്‍ ഓടിയെത്തുകയും തുടര്‍ന്ന് രണ്ട് പേരും ഓടി രക്ഷപ്പെടുകയുമായിരുന്നു.ഓട്ടോ ഡ്രൈവര്‍ അഞ്ചേരി സ്വദേശി ചൂണ്ടയില്‍ വീട്ടില്‍ അജീഷ്, കണ്ടാലറിയാവുന്ന മറ്റൊരാള്‍ എന്നിവര്‍ക്കെതിരെയാണ് വെസ്റ്റ് പോലീസ് കേസെടുത്തിരിക്കുന്നത്.മദ്യപിച്ച് വാഹനമോടിച്ചതിനും അജീഷ് എന്നയാള്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്.

10 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close