Kuwait

സിവിൽ ഐഡി കാർഡിൽ പേരിലെ തെറ്റ് തിരുത്താൻ ഓൺ‌ലൈൻ സംവിധാനം

കുവൈത്ത് സിറ്റി:  സിവിൽ ഐഡി കാർഡിൽ ഇംഗ്ലിഷിലുള്ള പേരിലെ തെറ്റ് തിരുത്തുന്നതിന് പബ്ലിക് ഇൻഫർമേഷൻ അതോറിറ്റി (പാസി) ഓൺ‌ലൈൻ സംവിധാനം ഏർപ്പെടുത്തി. പുതിയ സംവിധാനം ഇന്ന് നിലവിൽ വരുമെന്ന് `പാസി` ഡയറക്ടർ ജനറൽ മുസാദ് അൽ അസൂസി അറിയിച്ചു. പാസ്പോർട്ടിൽ ഇഖാമ സ്റ്റിക്കർ പതിക്കുന്നത് നിർത്തലാക്കിയതോടെ വിമാനത്താവളങ്ങളിൽ യാത്രാരേഖയായി സിവിൽ ഐഡിയാണ് പരിഗണിക്കുന്നത്. പാസ്പോർട്ടിലെയും സിവിൽ ഐഡിയിലെയും പേരുകൾ ഒരുപോലെയായിരിക്കണം

നിലവിൽ ഒട്ടേറെ ആളുകളുടെ പാസ്പോർട്ടിലെ പേരും സിവിൽ ഐഡി കാർഡിലെ പേരും തമ്മിൽ വ്യത്യാസമുണ്ട്. ഇഖാമ പുതുക്കി പുതിയ കാർഡ് പ്രിന്റ് ചെയ്യുന്നതിന് മുൻപ് പേരിലെ വ്യത്യാസം ഒഴിവാക്കുന്നതിന് ഓൺ‌ലൈൻ സംവിധാനം പ്രയോജനപ്പെടും. ഉപപ്രധാനമന്ത്രിയും ആഭ്യന്തരമന്ത്രിയും സിവിൽ ഇൻഫർമേഷൻ ജനറൽ അതോറിറ്റി ചെയർമാനുമായ ഷെയ്ഖ് ഖാലിദ് അൽ ജാറ അൽ സബാഹിന്റെ നിർദേശാനുസരണമാണ് ഓൺ‌ലൈൻ സംവിധാനം ഏർപ്പെടുത്തിയതെന്ന് അസൂസി പറഞ്ഞു. ഇംഗ്ലിഷിൽ രേഖപ്പെടുത്തിയ പേരിലുള്ള പിശകു തിരുത്താൻ ഓൺ‌ലൈൻ വഴി സാധിക്കും

9 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close