Kerala

റെയില്‍പ്പാത നവീകരണം; പാസഞ്ചറുകള്‍ റദ്ദാക്കി; എക്‌സ്പ്രസുകള്‍ വൈകും

തിരുവനന്തപുരം: റെയില്‍പ്പാത നവീകരണ പ്രവര്‍ത്തനങ്ങള്‍ നടക്കുന്ന എറണാകുളം-അങ്കമാലി, തൃശ്ശൂര്‍-വടക്കാഞ്ചേരി റൂട്ടിലുള്ള ഗതാഗതത്തില്‍ നിയന്ത്രണങ്ങള്‍ ഏര്‍പ്പെടുത്തി. ഇതേ തുടര്‍ന്ന് പാസഞ്ചര്‍ ട്രെയിനുകള്‍ ഈ മാസം 18 മുതല്‍ 20 വരെ റദ്ദാക്കി. എക്‌സ്പ്രസ് ട്രെയിനുകള്‍ പിടിച്ചിടുമെന്നും അറിയിപ്പുണ്ട്.

എറണാകുളം-ഗുരുവായൂര്‍ പാസഞ്ചര്‍, ഗുരുവായൂര്‍-എറണാകുളം പാസഞ്ചര്‍ ട്രെയിനുകള്‍ 18 മുതല്‍ 20 വരെ സര്‍വീസ് നടത്തുന്നതല്ല. കോയമ്പത്തൂര്‍-തൃശ്ശൂര്‍, തൃശ്ശൂര്‍-കണ്ണൂര്‍ പാസഞ്ചറുകള്‍ 18 മുതല്‍ 22 വരെ തൃശ്ശൂരിനും ഷൊര്‍ണ്ണൂരിനുമിടയില്‍ സര്‍വീസ് നടത്തില്ല.

ചെന്നൈ എഗ്മോര്‍-ഗുരുവായൂര്‍ എക്‌സ്പ്രസ് 18 മുതല്‍ 22 വരെ എറണാകുളം ജംഗ്ഷന്‍ റെയില്‍ വേ സ്റ്റേഷനില്‍ 2 മണിക്കൂര്‍ നിര്‍ത്തിയിടും. കൊച്ചുവേളി-ലോകമാന്യ തിലക് സൂപ്പര്‍ഫാസ്റ്റ് എക്‌സ്പ്രസ് 20-ന് ഒല്ലൂര്‍,തൃശ്ശൂര്‍ സ്റ്റേഷനുകളില്‍ 40 മിനിട്ട് നിര്‍ത്തിയിടും. എറണാകുളം-പൂനെ എക്‌സ്പ്രസ് 21-നും തിരുവനന്തപുരം സെന്‍ട്രല്‍-ഹസ്രത് നിസാമുദീന്‍ സൂപ്പര്‍ഫാസ്റ്റ് എക്‌സ്പ്രസ് 22-നും തൃശ്ശൂര്‍,ഒല്ലൂര്‍ സ്റ്റേഷനുകളില്‍ 40 മിനിട്ട് നിര്‍ത്തിയിടും.

81 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close