Kerala

തൃശൂരില്‍ നിന്നും 300 പവന്‍ സ്വര്‍ണം പിടികൂടി

തൃശൂര്‍: തൃശൂരില്‍ പുതുക്കാട് നിന്നും 300 പവന്‍ സ്വര്‍ണ്ണം പിടികൂടി. രേഖകള്‍ ഒന്നും ഇല്ലാതെ കടത്തുകയായിരുന്ന സ്വര്‍ണമാണ് പിടികൂടിയത്. ചാവക്കാട് സ്വദേശി ശ്യാംലാല്‍ ആണ് സ്വര്‍ണവുമായി എക്‌സൈസിന്റെ പിടിയിലായത്. ബാഗില്‍ പ്ലാസ്റ്റിക് കുപ്പികളിലും കവറുകളിലുമാണ് ആഭരണങ്ങള്‍ സൂക്ഷിച്ചിരുന്നത്.

വയനാട് നിന്ന് തിരുവനന്തപുരത്തേക്കുള്ള യാത്രയ്ക്കിടയില്‍ കെ.എസ്.ആര്‍.ടി.സി ബസ്സില്‍ നിന്നാണ് ശ്യാം ലാല്‍ലിനെ പിടികൂടിയത്. പുതുക്കാട് ടോള്‍ പ്ലാസയ്ക്ക് സമീപത്ത് നടന്ന വാഹന പരിശോധനയ്ക്കിടയിലാണ് ഇയാള്‍ പിടിയിലായത്.

തൃശൂരിലെ ജ്വല്ലറിയില്‍ കൊടുക്കാന്‍ വേണ്ടിയാണ് സ്വര്‍ണം കൊണ്ട് പോകുന്നതെന്ന് ഇയാള്‍ പറഞ്ഞതായി എക്‌സൈസ് അധികൃതര്‍ അറിയിച്ചു. ഇയാള്‍ ആദ്യമായല്ല ഇത്തരത്തില്‍ സ്വര്‍ണം കടത്തുന്നത് എന്നാണ് അധികൃതരുടെ നിഗമനം. ഇയാളെ സ്വര്‍ണം ഏല്‍പ്പിച്ചവരെക്കുറിച്ചുള്ള അന്വേഷണം തുടരുകയാണ്.

292 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close