India

പാകിസ്ഥാനിൽ എച്ച് ഐ വി ബാധ പടരുന്നു , 400 കുട്ടികൾക്ക് രോഗബാധ ; പരിഭ്രാന്തിയോടെ ജനങ്ങൾ

ഇസ്ലാമാബാദ് : പാകിസ്ഥാനിൽ 400 ഓളം കുട്ടികളിൽ എച്ച് ഐ വി ബാധ കണ്ടെത്തി . അണുവിമുക്തമാക്കാത്ത ആശുപത്രി ഉപകരണങ്ങളിൽ നിന്നാണ് രോഗം പടരുന്നതെന്നാണ് നിഗമനം . പാകിസ്ഥാനിലെ സിന്ധ് പ്രവിശ്യയിലാണ് രോഗം കൂടുതലായി കാണുന്നത് .

കഴിഞ്ഞ ആഴ്ച്ച ആരോഗ്യ വകുപ്പ് നടത്തിയ പരിശോധനയിലാണ് എച്ച് ഐ വി വ്യാപകമായതായി കണ്ടെത്തിയത് . ഇവരിൽ ഭൂരിഭാഗവും കുട്ടികളാണ് . പാകിസ്ഥാനിൽ ഉടനീളം എച്ച് ഐ വി വ്യാപിക്കാനുള്ള സാദ്ധ്യതയുണ്ടെന്നും മെഡിക്കൽ വിദഗ്ധർ മുന്നറിയിപ്പ് നൽകി .

രോഗബാധിതരുടെ ബാഹുല്യം മൂലം ആശുപത്രികളും ബുദ്ധിമുട്ടിലാണെന്നും,മരുന്നുകൾക്ക് പോലും കനത്ത ക്ഷാമം നേരിടുകയാണെന്നും പാക് മാദ്ധ്യമങ്ങളുടെ റിപ്പോർട്ടിൽ പറയുന്നു .

പലരും കുടുംബത്തിലെ മുഴുവൻ ആളുകളെയും പരിശോധിക്കാൻ കൊണ്ടുവരുന്നുണ്ടെന്നും,എന്നാൽ ആശുപത്രികളിൽ അതിനുള്ള സൗകര്യങ്ങൾ ഇല്ലെന്നും ഡോക്ടർമാർ വ്യക്തമാക്കി .വ്യാജഡോക്ടർമാരും എയ്ഡ്സ് വ്യാപിക്കാൻ കാരണമായിട്ടുണ്ട് . സർക്കാർ റിപ്പോർട്ടുകളനുസരിച്ച് ആറു ലക്ഷത്തിലേറെ വ്യാജ ഡോക്ടർമാരാണ് പാകിസ്ഥാനിലുള്ളത് .

1K Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close