India

വിശപ്പിനോട് പൊരുതുന്നവര്‍ക്ക് താങ്ങായി ‘റൊട്ടി ബാങ്ക്’

രാജ്‌കോട്ട്: ആഹാരമില്ലാതെ കഷ്ടതയനുഭവിക്കുന്നവര്‍ക്ക് സഹായവുമായി മുന്നോട്ട് വന്നിരിക്കുകയാണ് ഗുജറാത്തിലെ ശ്രീ ബോല്‍ബാല എന്ന സന്നദ്ധ സംഘടന. പ്രവര്‍ത്തനമാരംഭിച്ച് ഏതാനും മാസങ്ങള്‍ പിന്നിട്ടപ്പോഴേക്കും ‘റൊട്ടി ബാങ്ക്’ എന്ന സംഘടനയുടെ ആശയത്തിന് വലിയ തോതിലുള്ള സ്വീകാര്യതയാണ് ലഭിച്ചത്.

നഗരത്തിലെ ഓട്ടോറിക്ഷ ഡ്രൈവര്‍മാരുടെ സഹായത്തോടെയാണ് ‘റൊട്ടി ബാങ്ക്’ പ്രവര്‍ത്തിക്കുന്നത്. വീടുകളില്‍ നിര്‍മ്മിക്കുന്ന റൊട്ടികള്‍ ശേഖരിച്ചാണ് വിതരണം ചെയ്യുന്നത്. വിശക്കുന്നവര്‍ക്ക് മാത്രമല്ല സംഘടനയുടെ സഹായം ലഭിക്കുന്നത്. മറിച്ച്, ആശുപത്രിയിലുളള രോഗികള്‍ക്കും ഇവര്‍ റൊട്ടികള്‍ വിതരണം ചെയ്യുന്നുണ്ട്.

‘റൊട്ടി ബാങ്കിന്റെ പ്രവര്‍ത്തനത്തിനായി 1000 വീടുകളില്‍ നിന്നാണ് റൊട്ടികള്‍ ശേഖരിക്കുന്നത്. എല്ലാ മണിക്കൂറിലും റൊട്ടി ശേഖരണം നടക്കുന്നു. ഓരോ വീട്ടില്‍ നിന്നും രണ്ട് റൊട്ടികള്‍ വീതമാണ് ശേഖരിക്കുന്നത്. സന്നദ്ധരായി മുന്നോട്ടു വന്നവരാണ് നേരിട്ട് വിടുകളിലെത്തി സംഘടനയുടെ പ്രവര്‍ത്തനം ഏകോപിപ്പിക്കുന്നത്’. ശ്രീ ബോല്‍ബാല സംഘടനയുടെ മേല്‍നോട്ട ചുമതലയുള്ള ജയേഷ് ഉപാദ്ധ്യായ് പറഞ്ഞു.

വിശക്കുന്ന വയറുമായി ഒരാളും കിടക്കാന്‍ പോവരുതെന്നും ഇതാണ് തങ്ങളുടെ ലക്ഷ്യമെന്നും സംഘടനയില്‍ പ്രവര്‍ത്തിക്കുന്നവര്‍ പറയുന്നു. രാജ്‌കോട്ടിനു പുറമേ മഹാരാഷ്ട്രയിലെ ഔറംഗാബാദിലും ഇത്തരത്തില്‍ ‘റൊട്ടി ബാങ്കു’കള്‍ പ്രവര്‍ത്തിക്കുന്നുണ്ട്.

334 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close