India

ബാലാക്കോട്ട് വ്യോമാക്രമണം പാഠ്യവിഷയമാക്കി രാജസ്ഥാന്‍

ജയ്പൂര്‍: ഇന്ത്യന്‍ വ്യോമാക്രമണത്തെ നിരന്തരം ചോദ്യം ചെയ്തിരുന്ന കോണ്‍ഗ്രസിന് അവര്‍ ഭരിക്കുന്ന സംസ്ഥാനത്തു തന്നെ തിരിച്ചടി ലഭിച്ചിരിക്കുകയാണ്. കോണ്‍ഗ്രസ് നേതാക്കള്‍ മാറി മാറി ചോദ്യങ്ങള്‍ ഉന്നയിക്കുന്നതിനിടെ അവര്‍ തന്നെ ഭരിക്കുന്ന രാജസ്ഥാനില്‍ ബാലാക്കോട്ട് വ്യോമാക്രമണം പാഠ്യവിഷയമായിരിക്കുന്നു.

ഒന്‍പതാം ക്ലാസിലെ പാഠപുസ്തകത്തില്‍ ‘രാജ്യസുരക്ഷയും ധീരതാ പാരമ്പര്യവും’ എന്ന അദ്ധ്യായമാണ് വിവാദത്തിന് തിരികൊളുത്തിയിരിക്കുന്നത്. ഇതിനുപുറമേ പാകിസ്ഥാന്‍ സൈന്യത്തിന്റെ പിടിയിലായ ഇന്ത്യയുടെ വിംഗ് കമാന്‍ഡര്‍ അഭിനന്ദന്‍ വര്‍ത്തമാനെക്കുറിച്ചും പാഠപുസ്തകത്തില്‍ പരാമര്‍ശമുണ്ട്.

ബിജെപി മന്ത്രിസഭയിലെ അംഗവും ജയ്പൂരില്‍ നിന്നുള്ള സ്ഥാനാര്‍ത്ഥിയുമായ രാജ്യവര്‍ദ്ധന്‍ സിംഗ് റാത്തോഡിനെ കുറിച്ചും പാഠപുസ്തകത്തില്‍ പറയുന്നുണ്ട്. ധീരസൈനികരുടെ പട്ടികയില്‍ ഒന്നാമനായാണ് റോത്തോഡിനെ അവതരിപ്പിച്ചിരിക്കുന്നതെന്നതും ശ്രദ്ധേയമായിരിക്കുകയാണ്. എന്നാല്‍ ബാലാക്കോട്ട് ആക്രമണം നടത്താന്‍ വ്യോമസേനക്ക് പൂര്‍ണ്ണ സ്വാതന്ത്ര്യം നല്‍കിയ കേന്ദ്ര സര്‍ക്കാരിനേക്കുറിച്ച് പാഠപുസ്തകത്തില്‍ പരാമര്‍ശിക്കുന്നില്ല.
വിഷയത്തില്‍ കോണ്‍ഗ്രസ് നേതൃത്വം ഇതുവരെ പ്രതികരിച്ചിട്ടല്ല.

385 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close