India

ഫൈബർ കൊമ്പ് വച്ച് പിടിയാനയെ കൊമ്പനാക്കി ; കമ്മിറ്റിയ്ക്ക് വിലക്ക്

ചെർപ്പുളശ്ശേരി ; ഫൈബർ കൊമ്പ് വച്ച് പിടിയാനയെ കൊമ്പനാക്കി പൂരത്തിനു എഴുന്നള്ളിച്ച കമ്മിറ്റിയ്ക്ക് വിലക്ക് . തൂതപ്പൂരത്തിന്റെ എ വിഭാഗം എഴുന്നള്ളിപ്പിനാണ് ലക്കിടി ഇന്ദിരയെന്ന പിടിയാനയെ കൊമ്പനാക്കി കോലമേന്തിച്ചത് . അമ്പലവട്ടം പൂരകമ്മിറ്റിയെയാണ് ഇതിന്റെ പേരിൽ അടുത്ത പൂരത്തിൽ നിന്ന് വിലക്കിയത് . അടുത്ത വർഷം വൈകിട്ടുള്ള കൂടിക്കാഴ്ച്ച എഴുന്നള്ളിപ്പിൽ അമ്പലവട്ടത്തെ പങ്കെടുപ്പിക്കില്ല .രാവിലെ നടക്കുന്ന വഴിപാടു പൂരത്തിൽ പങ്കെടുക്കാം .

ചൊവ്വാഴ്ച്ച നടന്ന തൂതപ്പൂരത്തിനു എ ബി വിഭാഗം എഴുന്നള്ളിപ്പുകളിലായി അണിനിരന്നത് 15 ആനകളാണ് . കരാർ ഏറ്റെടുത്ത വ്യക്തി എത്തിച്ച ആനകളിലൊന്നാണ് ലക്കിടി ഇന്ദിര . എണ്ണം തികയ്ക്കാനാണ് ഇതിനെ കൊമ്പ് ഘടിപ്പിച്ച് കൊമ്പനാനയാക്കി ഇറക്കിയത് .

കഴിഞ്ഞ ദിവസം നടന്ന ആഘോഷകമ്മിറ്റി അവലോകനയോഗത്തിൽ പിടിയാനയെ എഴുന്നള്ളിച്ച സംഭവം ചർച്ചാ വിഷയമായിരുന്നു . പിടിയാനകളെ എഴുന്നള്ളിപ്പിക്കരുതെന്ന് നിബന്ധന ഉള്ളപ്പോഴായിരുന്നു ഈ നടപടി .

369 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close