India

ബിജെപി തരംഗം; കേവല ഭൂരിപക്ഷം കടന്ന് ലീഡ് നില

ന്യൂഡല്‍ഹി: എക്‌സിറ്റ് പോളുകളുടെ ഫലങ്ങള്‍ ശരി വച്ചു കൊണ്ടു ലോക്‌സഭ തെരഞ്ഞെടുപ്പ് ഫലത്തിന്റെ ആദ്യ സൂചനകള്‍. രാജ്യത്ത് വന്‍ ബിജെപി തരംഗം. വോട്ടെണ്ണലിന്റെ തുടക്കം മുതല്‍ തന്നെ വ്യക്തമായ ആധിപത്യമാണ് എന്‍ഡിഎ സ്വന്തമാക്കിയിരിക്കുന്നത്. ബിജെപി ഒറ്റയ്ക്ക് കേവല ഭൂരിപക്ഷം കടന്നു. മുഖ്യ പ്രതിപക്ഷമായ കോണ്‍ഗ്രസ് ഉള്‍പ്പെടുന്ന പാര്‍ട്ടികള്‍ ഏറെ പിന്നിലാണ്. പല സംസ്ഥാനങ്ങളിലും കോണ്‍ഗ്രസ് വലിയ തിരിച്ചടിയാണ് നേരിടുന്നത്. അതേസമയം കേരളത്തില്‍ കോണ്‍ഗ്രസ് എല്ലാ സീറ്റുകളിലും ലീഡ് ചെയ്യുന്നുണ്ട്.

യുപിഎ 102ലധികം സീറ്റുകളിലാണ് ഇപ്പോള്‍ ലീഡ് ചെയ്യുന്നത്. ബിജെപിക്കെതിരെ രൂപം കൊണ്ട എസ്പി-ബിഎസ്പി സഖ്യം ബിഹാറിലും ഉത്തര്‍പ്രദേശിലും തകര്‍ന്നടിയുന്ന കാഴ്ചയാണ് കാണുന്നത്. ബംഗാളിലും ബിജെപി മികച്ച ഭൂരിപക്ഷം സ്വന്തമാക്കിയിട്ടുണ്ട്. ദേശീയ തലത്തില്‍ 10ഓളം ഏജന്‍സികള്‍ നടത്തിയ എക്‌സിറ്റ് പോളുകളിലും എന്‍ഡിഎയ്ക്ക് വ്യക്തമായ ഭൂരിപക്ഷം ഉണ്ടായിരുന്നു. ബിജെപി തനിച്ച് ഭൂരിപക്ഷം നേടുമെന്ന് പല സര്‍വേകളും പ്രവചിച്ചിരുന്നു.

5K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close