UAE

ഷാർജ- ദുബായ് യാത്ര കൂടുതൽ സുഗമമാകുന്നു

ദുബായ്: ദുബായ് എയർപോർട്ട് റോഡിന് സമാന്തരമായുള്ള ട്രിപ്പോളി സ്ട്രീറ്റ് വികസനപദ്ധതി 90 ശതമാനം പൂർത്തിയായതായി ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി അറിയിച്ചു .ശൈഖ് മുഹമ്മദ് ബിൻ സായിദ് റോഡിനെയും എമിറേറ്റ്‌സ് റോഡിനെയും ബന്ധിപ്പിക്കുന്ന 12 കിലോമീറ്റർ ദൈർഘ്യമുള്ള പദ്ധതി ജൂൺ അവസാനത്തോടെ ഗതാഗതത്തിന് തുറക്കും. ഇതോടെ ദുബായ് ഷാർജ റൂട്ടിൽ ഗതാഗതം സുഗമമാകും. മാത്രമല്ല വർഖ, മിർദിഫ് എന്നിവിടങ്ങളിലേക്കുള്ള പ്രവേശനവും എളുപ്പമാകും.

പദ്ധതി പൂർത്തിയാകുമ്പോൾ ഇരുദിശയിലേക്കും മണിക്കൂറിൽ 12,000 വാഹനങ്ങൾക്ക് സഞ്ചരിക്കാൻ കഴിയുമെന്ന് ആർ.ടി.എ. ചെയർമാൻ മാതർ അൽ തായർ പറഞ്ഞു.അൽ അമർദി-അൽ ഖവനീജ്, അൽ അവീർ-റാസ് അൽ ഖോർ പാതകൾക്കും സമാന്തരമായതുകൊണ്ട് പുതിയ റോഡ് പ്രദേശത്തെ റോഡുകളിലെ തിരക്ക് 30 ശതമാനംവരെ കുറയ്ക്കും.മിർദിഫ് സിറ്റി സെന്റർ മുതൽ ശൈഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റ് വരെ ആറര കിലോമീറ്റർ റോഡിന് വീതി കൂട്ടും. ഇവിടെ നിന്ന് എമിറേറ്റ്‌സ് റോഡുവരെ ഇരു വശത്തേക്കും മൂന്ന് ലെയിനുകൾ വീതമുള്ള പുതിയൊരു റോഡും വരും.

ട്രിപ്പോളി- അൾജിരീയ സ്ട്രീറ്റിലെ ഇന്റർചേഞ്ചും നവീകരിക്കുന്നുണ്ട്. മൂന്ന് ലെയിനുകളുള്ള ഒരു തുരങ്കം ഇവിടെ വരുന്നതോടെ തിരക്കുള്ള സമയങ്ങളിൽ പോലും ഇന്റർസെക്‌ഷനിലെ കാത്തിരിപ്പ് സമയം ഒരു മിനുട്ടായി ചുരുങ്ങും. ട്രിപ്പോളി സ്ട്രീറ്റിൽനിന്ന് എമിറേറ്റ്‌സ് റോഡിലേക്ക് ഷാർജയുടെ ദിശയിൽ മൂന്ന് ലെയിനുകൾ വീതമുള്ള ഒരു പാലവും വരും. എമിറേറ്റ്‌സ് റോഡ് വഴിഷാർജയിലേക്ക് പോകുന്നവർക്ക് ഇതുവഴിയുള്ള യാത്ര എളുപ്പമാകും.എമിറേറ്റ്‌സ് റോഡിൽ ഒട്ടകങ്ങൾക്ക് റോഡ് മുറിച്ച് കടക്കാനായി രണ്ടു പ്രത്യേക തുരങ്കപാതകളുമുണ്ടാകും.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close