World

സ്വാമി ചിദാനന്ദപുരിയെ വരവേറ്റ് മാഞ്ചസ്റ്റർ

മാഞ്ചസ്റ്റർ: മലയാളത്തിന്റെ ആത്മീയഗുരു ചിദാനന്ദപുരി സ്വാമിയെ വരവേറ്റ് മാഞ്ചസ്റ്റർ. യുകെ ഹിന്ദു ധർമ്മ പ്രചാരണത്തിന്റെ ഭാഗമായി ഗ്രേറ്റർ മാഞ്ചസ്റ്റർ മലയാളി ഹിന്ദു കമ്മ്യൂണിറ്റി സംഘടിപ്പിച്ച ‘സദ് സംഘം – സംശയ നിവാരണ’ സായാഹ്നം നൂറു കണക്കിന് കുടുംബാംഗങ്ങളുടെ സാന്നിധ്യത്തിൽ നടന്നു. യു കെ മലയാളികൾ എന്ന നിലയിൽ ഹൈന്ദവ ധർമ്മ മൂല്യങ്ങൾ ജീവിതത്തിൽ ചേർത്ത് പിടിക്കുന്നതിനോടൊപ്പം, അത് അടുത്ത തലമുറയിലേക്കു പകർന്നു നൽകേണ്ടതിന്റെ ആവശ്യകതയെപറ്റിയും സ്വാമിജി സംസാരിച്ചു . ഒരാൾ പ്രവാസ ജീവിതത്തിൽ വർഷങ്ങൾ എത്ര കഴിഞ്ഞാലും തന്റെ ഭാരതീയൻ എന്ന സ്വത്വം നഷ്ടപ്പെടുന്നില്ല എന്നും ആ തിരിച്ചറിവ് ഉണ്ടാകേണ്ടതാണെന്നും തന്റെ അനുഗ്രഹ പ്രഭാഷണത്തിൽ അദ്ദേഹം ഓർമിപ്പിച്ചു.

ഹൈന്ദവ ആചാരങ്ങളെയും വിശ്വാസങ്ങളെയും ഈശ്വര സങ്കല്പത്തെയും പറ്റിയുള്ള ചടങ്ങിൽ പങ്കെടുത്ത കുട്ടികൾ അടക്കം നിരവധിപ്പേരുടെ സംശയങ്ങൾക്ക് അദ്ദേഹം മറുപടി നൽകി. കുട്ടികൾ ഉയർത്തുന്ന അത്തരം സംശയങ്ങൾ മാതാ പിതാക്കൾ അവഗണിക്കരുതെന്നും, അതിനു ഉചിതമായ നിവാരണം നടത്തേണ്ടത് ആ കുട്ടിയുടെ ഭാവിക്കുവേണ്ടി എത്ര പ്രാധാന്യമേറിയതാണെന്നും അദ്ദേഹം ഉദാഹരണ സഹിതം ഉപദേശിച്ചു.

പരമ്പരാഗത രീതിയിൽ താലപ്പൊലിയേന്തിയാണ് സ്വാമിയെ ഗാന്ധി ഹാളിലെ വേദിയിലേക്ക് സ്വീകരിച്ചത്. യുകെയിൽ വളരുന്ന പുതിയ തലമുറയിൽപ്പെട്ട മലയാള പഠനം നടത്തുന്ന കുട്ടികൾക്ക് ഭാരതീയ പരമ്പരാഗത രീതികളിൽ അവബോധം ഉണ്ടാകുന്നതിനായി എഴുത്തോല വിതരണം സ്വാമിജി നിർവഹിച്ചു. ഗുരുദക്ഷിണ നൽകി കമ്മ്യൂണിറ്റി അംഗങ്ങൾ നന്ദി പ്രകാശിപ്പിച്ചു. സിന്ധു ഉണ്ണി, ജി ഗോപകുമാർ എന്നിവർ ചടങ്ങിൽ സംസാരിച്ചു.

1K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close