Kerala

ട്രാവൻകൂർ ഹൗസിൽ തിരുവിതാംകൂർ രാജകുടുംബത്തിനു അവകാശമില്ലെന്ന് സംസ്ഥാന സർക്കാർ

തിരുവനന്തപുരം : ഡൽഹിയിലെ ട്രാവൻകൂർ ഹൗസിലും , കപൂർത്തല പ്ലോട്ടിലും തിരുവിതാംകൂർ രാജകുടുംബത്തിനു അവകാശമില്ലെന്ന് പിണറായി സർക്കാർ . ഉടമസ്ഥാവകാശം സംബന്ധിച്ച് രാജകുടുംബം ഉന്നയിച്ച എല്ലാ വാദങ്ങളും സർക്കാർ തള്ളി .

കസ്തൂർബാ ഗാന്ധി മാർഗിലുള്ള ട്രാവന്‍കൂര്‍ഹൗസ് 8.195 ഏക്കറും കോപര്‍ നിക്കസ് മാര്‍ഗിലുള്ള കപൂര്‍ത്തല പ്ലോട്ട് 6.104 ഏക്കറുമാണ്. 1973 ലാണ് ഈ ഭൂമി രണ്ടായി വിഭജിക്കുന്നത് .തിരുവിതാംകൂർ രാജാവിന്റെ വസതിയായിരുന്നു ട്രാവൻകൂർ ഹൗസ് . കേന്ദ്ര സര്‍ക്കാരിന്‍റെ നിയന്ത്രണത്തില്‍ നിന്നുള്ള ഭൂമിയുടെ അവകാശം രണ്ട് ഘട്ടങ്ങളിലായാണ് സംസ്ഥാന സർക്കാരിനു കൈമാറിയത് .ഭൂമിയുടെയും കെട്ടിടങ്ങളുടേയും ഉടമസ്ഥാവകാശം തിരികെ ലഭിക്കുന്നതിന് രാജകുടുംബം കേന്ദ്രസര്‍ക്കാരിനെ സമീപിച്ചിരുന്നു .

കൊട്ടാരം പ്രതിനിധി ആദിത്യ വർമ്മയാണ് ദേശീയ ലാന്റ് ഡവലപ്പ്മെന്റ് ഓഫീസറെ സമീപിച്ചത് . ഇക്കാര്യത്തിൽ കേന്ദ്ര സർക്കാർ സംസ്ഥാന സർക്കാരിന്റെ അഭിപ്രായം ആരാഞ്ഞിരുന്നു .

എന്നാൽ രാജകുടുംബത്തിന്റെ വാദങ്ങൾ മുഖവിലയ്ക്കെടുക്കേണ്ടതില്ലെന്നാണ് ചീഫ് സെക്രട്ടറി യോഗത്തിന്റെ തീരുമാനം . ഉടമസ്ഥാവകാശത്തിൽ മുഴുവൻ രേഖകളും ഹാജരാക്കാൻ റസിഡന്റ് കമ്മീഷണർക്ക് ചീഫ് സെക്രട്ടറിതല യോഗം നിർദേശം നൽകി .

ഇതനുസരിച്ച് ട്രാവന്‍കൂര്‍ ഹൗസിന്‍റേയും കപൂര്‍ത്തല പ്ലോട്ടിന്‍റേയും ഉടമസ്ഥാവകാശം സംബന്ധിക്കുന്ന മുഴുവൻ രേഖകളും നൽകണമെന്ന് ഡൽഹി റസിഡന്റ് കമ്മീഷണർ പുനീത് കുമാറിനോട് ആവശ്യപ്പെട്ടിട്ടുണ്ട് .

304 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close