ഇറ്റാനഗര്: വ്യോമസേനാ വിമാനം കാണാതായ സംഭവത്തില് പ്രത്യേക തിരച്ചില് സംഘം വിമാനാവശിഷ്ടങ്ങള് ഉള്ള സ്ഥലത്തെത്തി പരിശോധ നടത്തി. വിമാനാപകടത്തില് 3 മലയാളികൾ അടക്കം എല്ലാവരും കൊല്ലപ്പെട്ടതായാണ് സ്ഥിരീകരണം. 8 വ്യോമസേനാ ഉദ്യോഗസ്ഥരും 5 യാത്രക്കാരുമുള്പ്പെടെ 13 പേരാണ് വിമാനത്തില് ഉണ്ടായിരുന്നത്.
കഴിഞ്ഞ ദിവസമാണ് കാണാതായ വ്യോമസേനാ വിമാനത്തിന്റെ അവശിഷ്ടങ്ങള് കണ്ടെത്തിയത്. വിമാനത്തിന്റെ വ്യോമപാതയില് നിന്ന് 15-20 കിലോമീറ്റര് വടക്ക് മാറി അരുണാചല് പ്രദേശിലെ ലിപ്പോ പ്രദേശത്താണ് അവശിഷ്ടങ്ങള് കണ്ടെത്തിയത്.
ജൂണ് മൂന്നിന് ഉച്ചയ്ക്ക് 12: 25 നാണ് വ്യോമസേന ഉദ്യോഗസ്ഥരെ വഹിച്ചുകൊണ്ട് അസമിലെ ജോര്ഹട്ടില് നിന്നും വിമാനം യാത്രതിരിച്ചത്. ഒരുമണിയോടെ വിമാനവുമായുള്ള ബന്ധം വിച്ഛേദിക്കപ്പെടുകയായിരുന്നു.