തിരുവനന്തപുരം : തിരുവനന്തപുരം അന്താരാഷ്ട്ര വിമാനത്താവളത്തിന്റെ നടത്തിപ്പ് അദാനി ഗ്രൂപ്പിന് കൈമാറാനാകില്ലെന്ന് മുഖ്യമന്ത്രി പിണറായി വിജയൻ . ഇക്കാര്യം കേന്ദ്ര സർക്കാരിനെ അറിയിച്ചിട്ടുണ്ട് .
വിമാനത്താവളം സര്ക്കാറിന് അവകാശപ്പെട്ടതാണ്. 15ന് നടക്കുന്ന നീതി ആയോഗ് യോഗത്തില് പ്രധാനമന്ത്രിയെ ഇക്കാര്യം അറിയിക്കും . എയര്പോര്ട്ട് അതോറിറ്റിയാണ് നിലവില് ഈ വിമാനത്താവളങ്ങളുടെ നടത്തിപ്പ് ചുമതല വഹിക്കുന്നത്.
കഴിഞ്ഞ എന്ഡിഎ സര്ക്കാറിന്റെ കാലത്താണ് അദാനി എന്റര്പ്രൈസസ് വിമാനത്താവളങ്ങളുടെ നടത്തിപ്പിനുള്ള ലേലം പിടിച്ചത്. തിരുവനന്തപുരത്തിനു പുറമേ മംഗളുരു, ലക്നൗ, അഹമ്മദാബാദ്, ഗുവാഹത്തി, ജയ്പൂര് എന്നീ വിമാനത്താവളങ്ങളുടെ നടത്തിപ്പിനുള്ള അവകാശവും അദാനി ഗ്രൂപ്പിന് ലഭിച്ചിരുന്നു.