UAE

‘ മുരളിയേട്ടാ സഹായിക്കണം ‘ കേന്ദ്ര മന്ത്രിയ്ക്ക് മുന്നിൽ സ്വന്തക്കാരായി പ്രവാസികൾ ; തൊഴിലാളികൾക്കൊപ്പം ഭക്ഷണം പങ്കിട്ട് വി മുരളീധരൻ

ദുബായ് ; ‘ മുരളിയേട്ടാ ‘ അടുപ്പത്തോടെ ,സ്നേഹത്തോടെയുള്ള വിളി . ലേബർ ക്യാമ്പിൽ തൊഴിലാളികൾക്കൊപ്പം ഭക്ഷണം പങ്കിട്ട് കഴിച്ചുകൊണ്ടിരുന്ന കേന്ദ്ര സഹമന്ത്രി വി മുരളീധരനെയാണ് സ്വന്തം എന്ന പോലെ തിരുവനന്തപുരം കാട്ടാക്കട പ്രീതാഭവനിൽ രാജശേഖരൻ ഏട്ടാ എന്ന് വിളിച്ചത് .

ഇതര ഭാഷാ തൊഴിലാളികൾക്കിടയിൽ മുഴങ്ങിക്കേട്ട മലയാളം കേന്ദ്ര മന്ത്രിയ്ക്ക് ഏറെ ഇഷ്ടമാകുകയും ചെയ്തു . ടിക്കറ്റ് കൂലി വലിയ പ്രശ്നമാണെന്നും , അതൊന്ന് കുറയ്ക്കാൻ നടപടി വേണമെന്നുമായിരുന്നു രാജശേഖരന്റെ ആവശ്യം . തുടർന്ന് രാജശേഖരനെ കോൺസുലേറ്റ് ജനറൽ വിപുൽ മുൻ നിരയിലേക്ക് കൊണ്ടു നിർത്തി .

തുടർന്ന് വിവിധ സർക്കാരുകൾ മാറി വരുമ്പോഴെല്ലാം ഈ പ്രശ്നം പല പ്രാവശ്യം ഉന്നയിച്ചിട്ടുണ്ടെങ്കിലും പരിഹാരമായിട്ടില്ലെന്നും രാജശേഖരൻ ചൂണ്ടിക്കാട്ടി . ഇക്കാര്യം താൻ വ്യോമയാന മന്ത്രിയുമായി സംസാരിച്ചിട്ടുണ്ടെന്ന് വി മുരളീധരൻ പറഞ്ഞു .

‘ ഇപ്രാവശ്യമാണല്ലോ ഞാൻ മന്ത്രിയായതെന്നും , പ്രശ്നം തീർച്ചയായും പരിഹരിക്കാൻ നടപടിയുണ്ടാകും ‘ മുരളീധരൻ പുഞ്ചിരിയോടെ പറഞ്ഞപ്പോൾ രാജശേഖരനും സന്തോഷമായി . യു എ യിൽ പതിനൊന്ന് വർഷമായി രാജശേഖരൻ ജോലി ചെയ്യുന്നു .

രാവിലെ എട്ടേമുക്കാലോടെ മുഹൈസീനയിൽ(സോനാപൂർ) എവർസെൻഡി കമ്പനിയുടെ ലേബർ ക്യാംപിൽ എത്തിയ മുരളീധരൻ ഒരു മണിക്കൂറോളം അവിടെ ചെലവഴിച്ചു . കൂടുതലും ഹിന്ദിക്കാരുള്ള ക്യാംപിൽ ഹിന്ദിയിൽത്തന്നെയാണ് മുരളീധരൻ സംസാരിച്ചത്. തൊഴിലാളികൾക്കിടയിലേക്ക് ഇറങ്ങി ചെന്ന മുരളീധരൻ അവരുടെ പ്രശ്നങ്ങൾ വിശദമായി ചോദിച്ച് മനസിലാക്കി . ജയ് വിളികളോടെ തന്നെ സ്വീകരിച്ച തൊഴിലാളികൾക്കൊപ്പം സെൽഫിയെടുക്കാനും മുരളീധരൻ നിന്നു.

6K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close